સોશ્યલ મીડીયાએ બે ધારી તલવારમાં તમો લાઈક અને કોમેન્ટ તથા શેરીંગ અને વ્યુઅરશીપથી કમાણી પણ કરી શકો છો અને આ સોશ્યલ મીડીયા કોઈને આત્મહત્યા ભણી પણ દોરી જાય છે. જાન્યુઆરી માસમાં સોશ્યલ મીડીયા મારફત ‘સેકસટ્રોશન’નો શિકાર બનેલા 21 વર્ષના એક યુવકે છેલ્લે ટ્રેન હેઠળ ઝંપલાવીને આપઘાતની તૈયારી પણ કરી લીધી હતી પણ તેને અચાનક જ સદબુદ્ધિ સુઝી અને 1930 પર ડાયલ કર્યુ. જે હેલ્પલાઈને તેને ઉગારી લીધો અને તેણે વ્યથા કહી છે તે સેકસ ખંડણીનો શિકાર બન્યો હતો.
ન્યુડ વિડીયો કોલમાં ફસાયા બાદ તેની પાસે પહેલા રૂા.30000 મંગાયા જે તેની પાસે હતા જ નહી. તુર્ત જ સીઆઈડી-ક્રાઈમની સાયબર બ્રાન્ચે આ યુવકને ફસાવનારને ઝડપી લેવા જાળ બીછાવી તથા તેને આ ખંડણીની વાતચીતમાં વ્યસ્ત રાખી આરોપીને ઝડપી લીધા.
આ પ્રકારે ‘સાયબર બુલીંગ’માં ફકત યુવા નહી વૃદ્ધો પણ ફસાય છે અને મોટાભાગના ગુપચુપ બ્લેકમેઈલનો શિકાર બને છે તથા આ પ્રકારે બુલીંગ કરનારને પણ તે નગ્ન વિડીયો વાયરલ કરવાનો કોઈ ઈરાદો હોતો નથી. કારણ કે તેનાથી તમોને ભાગ્યે જ કોઈ ફાયદો છે પણ તેમનો હેતુ નાણા પડાવવાનો હોય છે અને છેલ્લા એક વર્ષમાં આ રીતે 26000થી વધુ નેટીઝન સાયબર બુલીંગનો ભોગ બન્યો છે અને ફરિયાદો નોંધાવી છે પણ ફરિયાદ નહી નોંધાવવા અને ગુપચુપ નાણા ચૂકવી આપનારની સંખ્યામાં અનેક ગણી વધુ હોઈ શકે છે.
ગુજરાત પોલીસ સાયબર સેલના ડીવાયએસપી સી.એમ.ટાંક ના જણાવ્યા મુજબ 2484 સીમકાર્ડ જે આ પ્રકારના ક્રિમીનલોએ ઉપયોગમાં લીધા છે તે પણ બ્લોક કરાવાયા છે પણ જેમાં મોબાઈલ એપ. પરથી લોન લે છે પછી જે રીતે લોન-શાર્કનો શિકાર બને છે. તેની ચિંતા પણ સાયબર સેલ કરે છે. આ પ્રકારે એક એપ પરથી ફકત રૂા.5000ની લોન લેનાર મહિલાને પછી તેની મધરાતે પણ ઓનલાઈન સતામણી થતી હતી પણ સાયબર સેલ મદદે આવ્યુ અને પછી કદી આ કોલર તેને ફોન કરતો નથી.
આ પ્રકારના સાયબર બુલીંગનો શિકાર બન્યા હોય એવો માટે ‘1930’ હેલ્પલાઈન પણ છે જયાં તેઓ ફરિયાદ નોંધાવી શકો છો અને તેમની તમામ માહિતી સુરત જ રહે છે. આ જ પ્રકારે બોગસ એપ્લીકેશન ચલાવનાર પણ સાયબર સ્ટોકીંગ (છેડતી) કે પછી અન્ય રીતે ઓનલાઈન પરેશાનીનો ભોગ બનનાર પણ ‘1930’ પર ફરિયાદ કરી શકે છે અને સાયબર સેલ ફકત જેને સાયબર ક્રિમીનલ સામે એકશનથી સંતોષ માનતું નથી તે આ પ્રકારના સોશ્યલ મીડીયા એકાઉન્ટ બ્લોક કરવાની ફરજ પણ પાડે છે અને સાયબર સેલ દ્વારા ઈન્સ્ટાગ્રામ પર 4319, ફેસબુક પર 2271 એકાઉન્ટ બંધ કરાવ્યા છે. બોગસ લોનના 243 એપ. પણ પ્લેસ્ટોર્સમાંથી હટાવવા ફરજ પાડી છે તથા 33 જેટલા વોટસએપ ગ્રુપ પણ બંધ કરાવ્યા છે. આ પ્રકારની વેબસાઈટ પણ બ્લોક કરી છે.
