છત્રપતિ શિવાજી મહારાજ ઈન્ટરનેશનલ એરપોર્ટ ખાતે રૂ. 10.16 કરોડ મૂલ્યના પેસ્ટના સ્વરૂપમાં 16.36 કિલો સોના સાથે 18 સુદાની મહિલા તેમ જ ભારતીય મહિલાની ડિરેક્ટોરેટ ઓફ રેવેન્યુ ઈન્ટેલિજન્સ (ડીઆરઆઈ) દ્વારા ધરપકડ કરવામાં આવી હતી.આ પછી ફોલો-અપ પગલાંમાં આશરે રૂ. 85 લાખનું 1.42 કિલો સોનું, રૂ. 16 લાખનું વિદેશી હૂંડિયામણ અને રૂ. 88 લાખની ભારતીય ચલણી નોટો પણ હસ્તગત કરવામાં આવી હતી.
યુએઈથી પ્રવાસીઓની એક સિન્ડિકેટ ભારતમાં પેસ્ટના સ્વરૂપમાં સોનું દાણચોરી લાવશે એવી આગોતરી માહિતી ડીઆરઆઈને સોમવારે જ મળી ગઈ હતી, જે અનુસાર એરપોર્ટ પર છટકું ગોઠવવામાં આવ્યું હતું.કુલ ત્રણ ફ્લાઈટમાં અલગ અલગ આવેલા પ્રવાસીઓને ઓળખીને તેમને એરપોર્ટ ખાતે અટકાવવામં આવ્યા હતા. તપાસ દરમિયાન પેસ્ટના સ્વરૂપમાં 16.36 કિલો સોનું, સોનાના ટુકડી અને દાગીના મળીને રૂ. 10.16 કરોડની મતા જપ્ત કરાઈ હતી.સુદાનની 18 મહિલાની ધરપકડ કરાઈ છે. તેમની સાથે સમન્વય કરતી ભારતીય મહિલાની પણ આ સાથે ધરપકડ કરવામાં આવી છે.
