ભાવનગર, તા.૫
તળાજા તાલુકાના તલ્લી ગામે આજે સવારે અગીયારેક વાગ્યાના સુમારે પસાર થઈ રહેલ અલ્ટ્રાટેક કંપનીના ડમ્પર ચાલકે એક બાઈક ચાલકને અડફેટે લેતા બાઈક ચાલકનું ઘટનાસ્થળે જ કમકમાટી ભર્યુ મોત થયુ હતું. આ બનાવ બનતાની સાથે જ તલ્લી સહિતના આજુ બાજુના ગામના લોકો એકઠા થઈ ગયા હતા અને ભારેલા અગ્નિ જેવો માહોલ સર્જાયો હતો ઉલ્લેખનીય છે કે તલ્લી ગામે છેલ્લા કેટલાય સમયથી માઈનિંગ સાથે ગામમાં પસાર થઈ રહેલા ભારે વાહનોને બંધ કરાવવા આંદોલન સાથે દેકારા ચાલી રહ્યા છે દરમિયાન આજે અકસ્માતનો બનાવ બનતા લોકોમાં ભારે રોષ જાવા મળી રહ્યો છે. બનાવ અંગે લોકોનો વધુ રોષ થાય તે પહેલા ડીવાયએસપી સહિતનો મસમોટો પોલીસ કાફલો ઘટનાસ્થળે પહોચી ગયો હતો.
બનાવ અંગે પ્રાપ્ત વિગતો મુજબ તળાજા તાલુકાના તલ્લી ગામે છેલ્લા કેટલા સમયથી અલ્ટ્રાટેક કંપનીના ભારે વાહનો બાયપાસના બદલે ગામમાંથી ચલાવાતા વિરોધ થઈ રહ્યો છે દરમિયાન આજે તલ્લી ગામે માતાજીનો માંડવો હોય આજુબાજુના ગામના અનેક લોકો તલ્લી ગામે આવ્યા હતા. જેમાં પાવઠી ગામે રહેતા પરશોત્તમભાઈ બારૈયા નામના વ્યÂક્ત પોતાનું બાઈક નં.જીજે.૪ એકે ૮૯૨૬ લઈને તલ્લી ગામે આવી રહ્યા હતા ત્યારે અલ્ટ્રાટેક કંપનીના ડમ્પર નં. જીજે ૧૪ જેડ ૭૭૭૧ના ચાલકે પુરપાટ ઝડપે બેફિકરાઈથી ડમ્પર ચલાવી બાઈકને અડફેટે લેતા બાઈક ચાલક પરશોત્તમભાઈ બારૈયાને ગંભીર ઈજા થતા ઘટનાસ્થળે જ તેનું મોત થયુ હતું. બનાવ બનતાની સાથે જ લોકોના ટોળેટોળા એકઠા થઈ ગયા હતા અને થોડીવારમાં તો આજુ બાજુના ગામના લોકો મોટી સંખ્યામાં રોષભેર એકઠા થઈ જતા ચક્કાજામ થઈ જવા પામેલ બનાવની જાણ થતા ડીવાયએસપી સહિત પોલીસ કાફલો પણ બનાવ સ્થળે દોડી ગયો હતો અને પરિÂસ્થતીને કાબુમાં લેવા પ્રયત્નો હાથ ધરાયા હતા.
પોલીસ દ્વારા ગ્રામજનોને સમજાવવા પ્રયત્નો કરતા ગ્રામજનો દ્વારા તલ્લી ગામના રોડપરથી કંપનીઓના વાહનો ચલાવવા પર પ્રતિબંધ ન લગાવાય અને તેની લેખીત ખાતરી ન મળે ત્યાં સુધી મૃતદેહ Âસ્વકારવાનો ઈન્કાર કરતા ખળભળાટ મચી જવા પામ્યો છે. આ અંગે એસપી, કલેકટર અને કંપનીના મેનેજમેન્ટના જવાબદાર સહિત લોકો ન આવે ત્યાં સુધી મામલો થાળે નહી પડે તેવું ગ્રામજનોએ જણાવેલ આમ બપોર સુધી અકસ્માતના મામલે તલ્લી ગામે ભારેલા અગ્નીજેવો મહાલો રહેવા પામ્યો છે.
તસવીરો : મથુર ચૌહાણ
