Dellએ ભારતમાં બે નવા ગેમિંગ લેપટોપ G15 અને G16 લોન્ચ કર્યા છે. આ લેપટોપને કંપની દ્વારા કન્ઝ્યુમર ઈલેક્ટ્રોનિક્સ શો (CES) 2023માં પ્રદર્શિત કરવામાં આવ્યા હતા અને હવે, થોડા મહિના પછી, કંપનીએ તેમને ભારતમાં લોન્ચ કર્યા છે. ડેલના G15 અને G16 ગેમિંગ લેપટોપ ઇન્ટેલના નવી 13મી જનરલ ઇન્ટેલ કોર HX સિરીઝના પ્રોસેસર્સ દ્વારા ઓપરેટેડ છે અને NVIDIA GeForce RTX 40 સિરીઝ GPUs, નવા એલિયનવેર કમાન્ડ સેન્ટર 6.0 અને બેકલિટ LED ડિસ્પ્લે જેવી શ્રેષ્ઠ ફિચર્સ સાથે આવે છે.
આ છે વિવિધ મોડેલોની કિંમત
Dell G15 ત્રણ કલર્સમાં આવે છે – ડાર્ક શેડો ગ્રે, ડીપ સ્પેસ બ્લુ સાથે ક્વોન્ટમ વ્હાઇટ અને નીઓ મિન્ટ થર્મલ શેલ્ફ સાથે પૉપ પર્પલ. ભારતમાં તેની શરૂઆતની કિંમત 89,990 રૂપિયા છે. Dell G16 ગેમિંગ લેપટોપ મેટાલિક નાઈટશેડ અને ક્વોન્ટમ વ્હાઇટ કલર્સમાં આવે છે અને ભારતમાં તેની કિંમત 1,61,990 રૂપિયાથી શરૂ થાય છે. આ બંને લેપટોપ ભારતમાં ડેલ એક્સક્લુઝિવ સ્ટોર્સ, dell.com, amazon.com અને સમગ્ર દેશમાં મલ્ટિ-બ્રાન્ડ આઉટલેટ્સ દ્વારા આજથી (મે 4) થી ખરીદી માટે ઉપલબ્ધ છે.
Dell જી16ના ફીચર્સ
Dell G16 ગેમિંગ લેપટોપ 16-ઇંચની ડિસ્પ્લે સાથે આવે છે. તે બે ડિસ્પ્લે વેરિઅન્ટમાં આવે છે. પહેલાનું 2560×1600 પિક્સેલ રિઝોલ્યુશન, 300 nits પીક બ્રાઇટનેસ અને 165Hz રિફ્રેશ રેટ સાથે QHD+ બેકલિટ LED પેનલ સાથે આવે છે, અને બાદમાં 240Hz સ્ક્રીન રિફ્રેશ રેટ સાથે આવે છે. તે i9 સુધીના કોન્ફીગ્રેશનમાં 13મી જનરલ ઇન્ટેલ કોર પ્રોસેસર્સથી સજ્જ છે, NVIDIA GeForce RTX GPUs સાથે જોડાયેલ છે, 32GB RAM સુધી અને 2TB PCIe NVMe M.2 SSD ક્લાસ 40 સ્ટોરેજ સ્પેસ સુધી. ડોલ્બી ઓડિયો, કોમ્બો હેડફોન જેક, ડીજીટલ માઇક્રોફોન અને HD વેબકેમ સાથે બે ટ્યુન કરેલ સ્પીકર છે. તેમાં 86Wh સુધીની બેટરીનો ઓપ્શન છે.
Dell G15 સ્પેશિફિકેશન
Dell G15 ગેમિંગ લેપટોપ 15-ઇંચની ડિસ્પ્લે સાથે આવે છે. તે બે ડિસ્પ્લે વેરિઅન્ટમાં પણ આવે છે. એક 1920×1080 પિક્સેલ રિઝોલ્યુશન સાથે ફુલ HD બેકલીટ LED પેનલ, 250 nits પીક બ્રાઈટનેસ અને 120Hz સ્ક્રીન રિફ્રેશ રેટ સાથે અને બીજું 300 nits પીક બ્રાઈટનેસ અને 165Hz સ્ક્રીન રિફ્રેશ રેટ સાથે. તે i9 કોન્ફીગ્રેશન સુધીના 13મા જનરલ ઇન્ટેલ કોર પ્રોસેસર્સ દ્વારા ઓપરેટેડ છે, જે NVIDIA GeForce RTX GPU, 32GB સુધીની RAM અને 2TB સુધી NVMe Gen 4×4 Class 40 સ્ટોરેજ સ્પેસ સાથે આવે છે. તેમાં ડોલ્બી ઓડિયો, કોમ્બો હેડફોન જેક અને સિંગલ એરે ડિજિટલ માઇક્રોફોન સાથે વાઇડસ્ક્રીન HD વેબકેમ સાથે બે ટ્યુન કરેલ સ્પીકર્સ છે. તેમાં 86Wh સુધીનો બેટરી ઓપ્શન પણ છે.
