એલન મસ્ક છોડશે ટ્વીટરના સીઈઓનું પદ

ટ્વીટરના સીઈઓ એલન મસ્ક જલ્દી જ સીઈઓ પરને અલવિદા કહેવા જઈ રહ્યા છે. તેમણે ટ્વીટર માટે નવા સીઈઓની પસંદગી કરી લીધી છે. તે એક મહિલા છે જે આવતા છ અઠવાડિયામાં પદભાર સંભાળી શકે છે.
સોશિયલ મીડિયા પ્લેટફોર્મ ટ્વીટરના સીઈઓ એલન મસ્કે પદ છોડવાની જાહેરાત કરી છે. તેમણે કહ્યું છે કે ટ્વીટર માટે નવા સીઈઓની પસંદગી કરવામાં આવી છે. જે જલ્દી જ પદભાર સંભાળશે. મસ્કે પોતાના નવા સીઈઓના નામની જાહેરાત નથી કરી પરંતુ એ સંકેત આપ્યો છે કે તે એક મહિલા છે.
મસ્કે ટ્વીટર પર કહ્યું છે કે એ જાહેરાત કરીને ઉત્સાહિત છું કે મેં ટ્વીટર માટે નવા સીઈઓની પસંદગી કરી લીધી છે. તે આવનાર છ અઠવાડિયામાં પદભાર સંભાળી લેશે. રાજીનામા બાદ મારી ભુમિકા કાર્યકારી અધ્યક્ષ અને મુખ્ય પ્રોદ્યોગિકી અધિકારીની હશે. એલન મસ્કે ગયા મહિનાના અંતમાં ટ્વીટર પર યુઝર્સ માટે એખ મોટો સંકેત આપ્યો હતો. તેમણે કહ્યું કે યુઝર્સને પ્રતિ આર્ટિકલના આધાર પર પૈસા ચુકવવા પડશે. તેમણે કહ્યું હતું કે જો યુઝર્સ મહિનાની સદસ્યતા માટે સાઈન અપ નહીં કરે તો તેમના આર્ટિકલ વાંચવા માટે વધારે ચુકવણી કરવાની રહેશે.