વડાપ્રધાન નરેન્દ્ર મોદી 13 અને 14 જુલાઈએ ફ્રાન્સ પ્રવાસે રહેશે. 14 જુલાઈએ વડાપ્રધાન મોદીના ફ્રાન્સના નેશનલ ડે બેસ્ટિલ ડે પરેડ સમારંભમાં મુખ્ય અતિથિ તરીકે ભાગ લેશે. બે દિવસના પ્રવાસ દરમિયાન પીએમ મોદી 26 રાફેલ-એમ યુદ્ધ વિમાન અને ત્રણ સ્કોર્પિયન સિરીઝની પરંપરાગત સબમરીનો ખરીદવા માટે અબજો ડોલરના સોદા પર હસ્તાક્ષર કરી શકે છે. તેની સાથે જ સ્પેસ અને ટેક્નોલોજીના ક્ષેત્રે પણ સહયોગ વધારવાની દિશામાં બંને દેશ આગળ વધી શકે છે. બેસ્ટિલ ડે પરેડમાં ભારતીય સશસ્ત્ર સેનાની ટુકડી પણ ભાગ લેશે. જેના માટે ભારતીય જવાનોએ પરેડનું રિહર્સલ પણ કર્યું હતું.
બંને દેશ વચ્ચે સંરક્ષણ સહકાર વધશે. પ્રવાસમાં 26 રાફેલ-એમ સમુદ્રી યુદ્ધ વિમાન ખરીદવા માટે સોદાની જાહેરાત કરી શકે. ભારતીય નેવીને ચાર ટ્રેઇનિંગ વિમાનો સાથે 22 સિંગલ સીટેડ રાફેલ એમ યુદ્ધ વિમાન મળશે.
