રશિયાએ યુએસ સર્વેલન્સના દાવાઓ પર સરકારી અધિકારીઓ દ્વારા Apple iPhonesના ઉપયોગ પર પ્રતિબંધ મૂક્યો છે, એવો મીડિયાએ સોમવારે અહેવાલ આપ્યો હતો. મીડિયા રિપોર્ટ્સ મુજબ, રશિયાની ફેડરલ સિક્યુરિટી સર્વિસ (FSS) એ હજારો અધિકારીઓને iPhones અને iPads જેવા અન્ય Apple ઉત્પાદનોનો ઉપયોગ કરવાનું બંધ કરવા કહ્યું છે.
‘આઇફોનને હવે સુરક્ષિત ગણવામાં આવતો નથી’
રિપોર્ટમાં કહેવામાં આવ્યું છે કે, 17 જુલાઈથી રશિયાના વેપાર મંત્રાલયના કર્મચારીઓને કાર્યસ્થળ પર iPhonesનો ઉપયોગ કરવાની મંજૂરી આપવામાં આવશે નહીં. સૂત્રો મુજબ, મંત્રાલયોના સુરક્ષા અધિકારીઓએ જાહેરાત કરી હતી કે iPhoneને હવે સુરક્ષિત માનવામાં આવતું નથી અને તેના વિકલ્પોની શોધ કરવી જોઈએ. અધિકારીઓનું માનવું છે કે, અમેરિકનો તેમના ઉપકરણોનો ઉપયોગ વાયરટેપિંગ માટે કરી શકે છે. તેમણે કહ્યું કે, ‘એફએસબી લાંબા સમયથી વ્યાવસાયિક સંપર્કો માટે iPhonesના ઉપયોગ અંગે ચિંતિત છે.’ માર્ચમાં, ક્રેમલિને અધિકારીઓને Apple ઉત્પાદનોનો ઉપયોગ કરવાનું બંધ કરવા કહ્યું કારણ કે તેમને આશંકા છે કે ઉપકરણો યુએસ હેકિંગ માટે સંવેદનશીલ હોઈ શકે છે.
રશિયન સરકારે એપલ પર લગાવ્યો આરોપ
ગયા મહિને, રશિયન સરકારે Apple પર યુએસ ગુપ્તચર એજન્સીઓ સાથે કામ કરવાનો આરોપ મૂક્યો હતો, જે દાવો ટેક જાયન્ટે સખત રીતે નકારી કાઢ્યો હતો. એપલે કહ્યું કે, કંપનીએ ક્યારેય પણ એપલ પ્રોડક્ટ્સને લઈને કોઈપણ સરકાર સાથે સર્વેલન્સ માટે કામ કર્યું નથી. અહેવાલમાં દાવો કરવામાં આવ્યો છે કે, મુખ્ય મંત્રાલયો અને સંસ્થાઓમાં Apple ઉત્પાદનો પરનો પ્રતિબંધ ક્રેમલિન અને ફેડરલ સિક્યોરિટી સર્વિસની જાસૂસી એજન્સીમાં રશિયન રાજ્ય સંસ્થાઓ વિરુદ્ધ યુએસ ગુપ્તચર એજન્સીઓ દ્વારા વધેલી જાસૂસી પ્રવૃત્તિને લઈને વધતી ચિંતા દર્શાવે છે. રોસ્ટેકના પ્રતિનિધિએ મીડિયાને જણાવ્યું હતું કે, તમામ એપલ ઉપકરણો પર પ્રતિબંધો લાગુ થાય છે. પરંતુ, વ્યક્તિગત હેતુઓ માટે તેમનો ઉપયોગ હજુ પણ માન્ય છે.
