ICC ODI વર્લ્ડ કપ 2023 પહેલા કોલકાતાના ઈડન ગાર્ડન્સ સ્ટેડિયમમાં આગ લાગી છે., બુધવારે મોડી રાત્રે કોલકાતાના ઐતિહાસિક ઈડન ગાર્ડન્સ સ્ટેડિયમના ડ્રેસિંગ રૂમમાં આગ ફાટી નીકળી હતી. આ તરફ આગના કારણે તમામ સામાન બળીને રાખ થઈ ગયો છે. મહત્વનું છે કે, ICC ODI વર્લ્ડ કપ 2023 ઓક્ટોબર-નવેમ્બરમાં જવામાં આવશે. આ માટે 10 શહેરોના ક્રિકેટ સ્ટેડિયમની પસંદગી કરવામાં આવી છે. આ સ્ટેડિયમોમાં નવીનીકરણનું કામ ઝડપથી ચાલી રહ્યું છે.
રિપોર્ટ અનુસાર પ્રાથમિક તપાસમાં જાણવા મળ્યું છે કે, કોલકાતાના ઈડન ગાર્ડન્સ સ્ટેડિયમમાં આગ શોર્ટ સર્કિટના કારણે લાગી હતી. ફાયર વિભાગના જણાવ્યા અનુસાર બુધવારે મોડી રાત્રે આગ લાગી હતી. હાલમાં ફાયર ફાઈટરોએ આગને કાબુમાં લઈ લીધી છે. કહેવામાં આવી રહ્યું છે કે, આગ ડ્રેસિંગ રૂમની ફોલ્સ સિલિંગમાં લાગી હતી કે જ્યાં ક્રિકેટર્સના સાધનો રાખવામાં આવ્યા હતા.
