ગુજરાત હાઈકોર્ટએ 16 વર્ષની દુષ્કર્મ પીડિતાને આપી ગર્ભપાતની મંજૂરી

અમદાવાદઃ દુષ્કર્મની ઘટના બાદ પીડિતાને હાલમાં 18 અઠવાડિયાનો ગર્ભ છે. મામલો હાઈકોર્ટમાં જતાં કોર્ટે 16 વર્ષ 8 મહિનાની દુષ્કર્મ પીડિતાને મેડિકલ કેસ પેપર્સ જોયા બાદ ગર્ભપાતની મંજૂરી આપી છે. દુષ્કર્મના આરોપી સામે કડી પોલીસ સ્ટેશનમાં દુષ્કર્મનો ગુનો નોંધાયો છે.
પીડિતાના વકીલે મીડિયાને જણાવ્યું હતું કે, પીડિતાની ટર્મિનેશન ઓફ પ્રેગ્નન્સી માટેની એપ્લિકેશન હતી અને કડી પોલીસ સ્ટેશનમાં ગુનો નોંધાયો હતો. પીડિતાની ઉંમર 16 વર્ષ છે અને તેને 18 સપ્તાહનો ગર્ભ હતો.આ અરજીને નામદાર કોર્ટ દ્વારા મંજૂર કરવામાં આવી છે. મહેસાણાની સગીરાની ગર્ભપાત માટે હાઇકોર્ટમાં અરજી સ્વીકારાઈ હતી. આ સગીરાની ઉંમર 16 વર્ષ અને ત્રણ મહિના છે અને સગીરાને 18 મહિનાનો ગર્ભ છે.