રામ મંદિરના તમામ દરવાજા પરચઢાવવામાં આવશે સોનાનો ઢોળ

અયોધ્યામાં રામ મંદિરના દરવાજા પર સોનાનો ઢોળ ચઢાવવાની પ્રક્રિયા શરૂ થઈ ગઈ છે. ગર્ભગૃહના સૌથી મોટા દરવાજા સહિત 10 દરવાજાના ફીટીંગનું પરીક્ષણ પણ પૂર્ણ કરવામાં આવ્યું છે. સોનાનો ઢોળ લગાવનારા કારીગરોએ દરવાજાના ફિટિંગનું પણ પરીક્ષણ કર્યું છે. અત્યાર સુધી બનેલા દરવાજાઓ પર સોનાનો ઢોળ નાખવાનું મોલ્ડિંગ શરૂ થયું છે.
દરવાજા પર કોતરણી કામ કરવામાં આવ્યું છે. તેના પર હાથી, કમળ વગેરે કોતરેલા છે. દરવાજાને સોનાનો ઢોલ ચઢાવવા માટે સાંચા બનાવવાંમાં આવી રહ્યા છે. દિલ્હીના ચાર કારીગરો આ કામ કરી રહ્યા છે. ગેટને ગિલ્ડિંગ કરવાની કામગીરી નવેમ્બરમાં પૂર્ણ કરવામાં આવશે. ઉપરાંત, આને છેલ્લે નિર્ધારિત જગ્યાએ સ્થાપિત કરવામાં આવશે. અહીંના તમામ દરવાજા મહારાષ્ટ્રના જંગલોમાંથી લાવવામાં આવેલા સાગના લાકડામાંથી બનાવવામાં આવી રહ્યા છે. હૈદરાબાદના કારીગરો તેમને રામસેવકપુરમમાં બનાવી રહ્યા છે.
દરવાજાના ફીટીંગનું ટેસ્ટીંગ કરવામાં આવ્યું છે.દરવાજા પર ગોલ્ડ પ્લેટીંગનું કામ નવેમ્બરમાં પૂર્ણ થશે.કોપર લેયર પર સોનાનું કોટિંગ કરવામાં આવશે.દરવાજા પર જે મોલ્ડ બનાવવામાં આવી રહ્યું છે તેમાં પહેલા કોપર લેયર ફીટ કરવામાં આવશે. બાદમાં તેના પર સોનાનું લેયર લગાવવામાં આવશે. મંદિરના તમામ દરવાજા ગોલ્ડ પ્લેટેડ હશે. એક્ઝિક્યુટીંગ એજન્સીના એક અધિકારીએ જણાવ્યું કે પહેલા રામ મંદિરમાં કુલ 42 દરવાજા લગાવવાના હતા, પરંતુ હવે તેમાં વધુ ચાર દરવાજા લગાવવામાં આવશે. ગ્રાઉન્ડ ફ્લોરમાં દરવાજાઓની મહત્તમ સંખ્યા 18 હશે. ગ્રાઉન્ડ ફ્લોર પર બે સીડીઓ બનાવવામાં આવી રહી છે. બાજુઓ પર બે દરવાજા સ્થાપિત કરવામાં આવશે. મંદિરમાં સ્થાપિત કરવા માટે જે દરવાજા બનાવવામાં આવ્યા છે તેનું પરીક્ષણ અનેક તબક્કામાં કરવામાં આવી રહ્યું છે. અંતિમ તબક્કામાં ગોલ્ડ પ્લેટિંગના કારીગરો પણ હાજર છે. સોનું મૂકવા માટે દરવાજાની કઈ બાજુએ કેટલી જગ્યા છોડવી જોઈએ તેનું વારંવાર મૂલ્યાંકન કરવામાં આવે છે.