ભારતે વર્લ્ડકપ 2023માં ન્યૂઝીલેન્ડને 4 વિકેટે હરાવ્યું હતું. ભારત આ સાથે જ પોઇન્ટ ટેબલમાં 5 મેચમાં 10 પોઇન્ટ સાથે ટોપ પર પહોંચી ગઇ છે. ભારતની જીતમાં મોહમ્મદ શમી અને વિરાટ કોહલીનો મહત્ત્વનો ફાળો રહ્યો હતો. ધરમશાળામાં રમાયેલી મેચમાં અનેક રેકોર્ડ બન્યા હતા. મોહમ્મદ શમીએ મેચમાં 5 વિકેટ ઝડપતા તેને પ્લેયર ઓફ ધ મેચ જાહેર કરવામાં આવ્યો હતો જ્યારે વિરાટ કોહલીએ 95 રનની ઇનિંગ્સ રમી હતી.
આવર્લ્ડકપ ઇતિહાસમાં આવું પ્રથમ વખત બન્યું છે જ્યારે ન્યૂઝીલેન્ડની ટીમને પાવર પ્લેમાં કોઇ વિકેટ મળી નહતી. આ રેકોર્ડને રોહિત શર્મમા અને શુભમન ગિલે તોડ્યો છે. રોહિત-ગિલે 71 રનની ભાગીદારી કરી હતી. બીજો રેકોર્ડ ધરમશાળા સ્ટેડિયમમાં સૌથી મોટા ટાર્ગેટ ચેજનો છે. આ મેચમાં ન્યૂઝીલેન્ડે 274 રનનો પડકાર આપ્યો હતો. જવાબમાં ભારતે 48 ઓવરમાં 6 વિકેટ ગુમાવીને મેચ પોતાના નામે કરી લીધી છે. ભારતીય ટીમે ધરમશાળા સ્ટેડિયમનો સૌથી મોટો ટાર્ગેટ ચેજ કરીને ઇતિહાસ રચ્યો છે. આ પહેલા આ સ્ટેડિયમમાં 227 રનનો સૌથી મોટો પડકાર ચેજ થયો હતો. જાન્યુઆરી 2013માં રમાયેલી મેચમાં ભારતીય ટીમ વિરૂદ્ધ ઇંગ્લેન્ડે 47.2 ઓવરમાં 3 વિકેટ ગુમાવિીને આ પડકારને ચેજ કરતા મેચ જીતી લીધી હતી.
