દેશમાં ગંભીર અકસ્માતો રોકવા માટે થઇને કેન્દ્ર સરકારે ડ્રાઇવરો સામે હિટ એન્ડ રનમાં કડક કાયદો રાજ્યભરમાં વાહન ચાલકો અને ખાસ કરીને ટ્રક ડ્રાઇવરોમાં વિરોધ જાેવા મળી રહ્યો છે. જેના પગલે ઠેર-ઠેર દેખાવો અને ચક્કાજામ સાથે ટ્રકોના પૈડા થંભાવી દેવા સુધીનો વિરોધ થઇ રહ્યો છે. ટ્રક ચાલકોએ પૈડા થંભાવી દેતા તેની અસર ભાવનગર માર્કેટ યાર્ડમાં પણ જાેવા મળી હતી. વેપારીઓએ ખરીદેલ ડુંગળીનો નિકાલ નહીં થતાં આજે ડુંગળીની હરરાજી ઠપ્પ રહી હતી. આ કારણે ખેડૂતોમાં દેકારો બોલ્યો હતો.
