એક તરફ ભારત અને ઈંગ્લેન્ડ વચ્ચે પાંચ મેચોની ટેસ્ટ સિરીઝની પ્રથમ મેચ હૈદરાબાદમાં રમાઈ રહી છે. ત્યારે બીજી બાજુ રણજી ટ્રોફી 2024માં હૈદરાબાદમાં અરૂણાચલ પ્રદેશ અને હૈદરાબાદ વચ્ચે મેચ રમાઈ રહી છે. જેમાં તન્મય અગ્રવાલે ફર્સ્ટક્લાસ ક્રિકેટમાં સૌથી ઝડપી ત્રિપલ સદી ફટકારનાર પ્રથમ ખેલાડી બની ગયો છે. તેણે માત્ર 147 બોલમાં ત્રિપલ સેન્ચુરી ફટકારી હતી.
રણજી ટ્રોફીમાં અરૂણાચલ પ્રદેશ અને હૈદરાબાદ વચ્ચે મેચ રમાઈ રહી છે. હૈદરાબાદની ટીમ પ્રથમ દિવસે પ્રથમ બેટિંગ કરવા ઉતરી હતી. જેમાં તન્મય અને ટીમના કેપ્ટન ગહલોત રાહુલે સિંહે પ્રથમ વિકેટ માટે 345 રનની ભાગીદારી કરી હતી.
તન્મય અને કેપ્ટન બંને શરૂઆતથી જ તાબડતોબ બેટિંગ કરી રહ્યા હતા. જોકે, ગહલોત 185 રનની ઈનિંગ રમીને આઉટ થયો હતો. કેપ્ટન આઉટ થયા બાદ તન્મયે ચોગ્ગા-છગ્ગાનો વરસાદ કરીને રણજી ટ્રોફીના ઈતિહાસમાં સૌથી ઝડપી બેવડી સદી 119 બોલમાં ફટકારવાનો રેકોર્ડ બનાવ્યો હતો અને ટૂંક સમયમાં જ તેને ટ્રિપલ સેન્ચ્યુરીમાં પરિવર્તિત કરીને નવો વર્લ્ડ રેકોર્ડ બનાવ્યો હતો. તન્મય અગ્રવાલે આંધ્ર પ્રદેશ વિરૂદ્ધ 147 બોલમાં ત્રેવડી સદી પૂરી કરીને વર્લ્ડ રેકોર્ડ બનાવ્યો હતો.
તન્મય અગ્રવાલ પહેલા ફર્સ્ટ ક્લાસ ક્રિકેટમાં સૌથી ઝડપી ત્રેવડી સદી ફટકારવાનો વર્લ્ડ રેકોર્ડ માર્કો મોરિસના નામે હતો. તેણે આ કારનામું 191 બોલમાં કર્યું હતું, પરંતુ તન્મય અગ્રવાલે 200થી વધુના સ્ટ્રાઈક રેટ સાથે માત્ર 147 બોલમાં પોતાની ત્રેવડી સદી પૂરી કરી હતી. આ મેચમાં તે ODI કે T20ની જેમ નહીં પરંતુ T10 ક્રિકેટ મેચની જેમ રમ્યો હતો અને આંધ્રપ્રદેશના બોલરોને ધોઈ નાખ્યા હતા.
