ઝારખંડના મુખ્યમંત્રી હેમંત સોરેનની મુશ્કેલી વધતી જોવા મળી રહી છે. સોમવારે કેન્દ્રીય તપાસ એજન્સી EDની એક ટીમ મુખ્યમંત્રી હેમંત સોરેનના દિલ્હી સ્થિત ઘરે પહોંચી હતી. EDની ટીમ કથિત જમીન કૌભાંડ સાથે જોડાયેલા મની લૉન્ડ્રિંગ કેસમાં હેમંત સોરેનની પૂછપરછ કરવા માંગે છે.
આ વચ્ચે ભાજપના સાંસદ નિશિકાંત દુબેએ દાવો કર્યો કે હેમંત સોરેને પોતાના ઝામુમો, કોંગ્રેસ અને સહયોગી ધારાસભ્યોને રાંચી સામાન અને બેગ સાથે બોલાવ્યા છે, તેમણે સોશિયલ મીડિયા પ્લેટફોર્મ એક્સ પર લખ્યુ, “સૂચના અનુસાર કલ્પના સોરેનને મુખ્યમંત્રી બનાવવાનો પ્રસ્તાવ છે. મુખ્યમંત્રીએ સૂચના આપી છે કે EDની પૂછપરછના ડરથી તે રોડ માર્ગે રાંચી પહોંચીને જાહેરાત કરશે.
નિશિકાંત દુબેએ કહ્યું, “મુખ્યમંત્રી હેમંત સોરેનના ઇશારા પર ખોટુ કામ કરનારાઓને એક સલાહ આપી જે મુખ્યમંત્રી ખુદને ભાગેડુ સાબિત કરી રહ્યાં છે, તપાસ એજન્સીનો સામનો કરવાથી ભાગી રહ્યાં છે. તે માણસ અધિકારીઓની અથવા રાજ્યના લોકોની શું રક્ષા કરશે?”
