30 જાન્યુઆરીની સાંજે, સીએમ હેમંત સોરેને ઝારખંડની રાજધાની રાંચીમાં શાસક પક્ષ JMM, કોંગ્રેસ અને RJDના ધારાસભ્યો સાથે બેઠક યોજી હતી. આ બેઠકમાં કલ્પના સોરેનને ગાદી સોંપવાનો નિર્ણય લેવાયો હતો.
કલ્પના સોરેન સીએમ તરીકે તેમની નિમણૂકની જાહેરાત બાદથી જ ચર્ચામાં છે. કલ્પનાના કારણે સીએમ હેમંત સોરેને પણ નિયમ બનાવ્યો છે કે તેઓ પરિવાર સાથે ઘરે જ ડિનર કરશે જેથી તેઓ પરિવારને ક્વોલિટી ટાઈમ આપી શકે. જમવાના ટેબલ પર રાજકારણની ચર્ચા કરવાની સખત મનાઈ છે. ઓડિશાના મયુરંગાજ જિલ્લામાં રહેતા સેનાના નિવૃત્ત કેપ્ટન અને કલ્પનાના પિતા કેપ્ટન અમ્પા મુર્મુ કહે છે, ‘તે દિવસોમાં હું પંજાબના કપૂરથલામાં પોસ્ટેડ હતો. કલ્પનાનો જન્મ પણ ત્યાં 3 માર્ચ 1985ના રોજ થયો હતો. તેણે કેન્દ્રીય વિદ્યાલયમાં અભ્યાસ કર્યો છે. નાનપણથી જ ભણવામાં હોશિયાર હતી. તે હંમેશા વર્ગમાં ટોપ થ્રીમાં આવતી હતી.’
શાળાના દિવસોમાં અભ્યાસ ઉપરાંત કલ્પનાને હોકી રમવાનો શોખ હતો. પિતાની બદલી થતાં શાળા પણ બદલાતી રહી. કેટલીક શાળામાં હોકી ઉપલબ્ધ નહોતી, તેથી આ રમત છૂટી ગઈ અને તે આગળ પ્રોફેશનલ હોકી રમી શકી નહીં.
