દર વર્ષની જેમ આ વખતે પણ ઓસ્કાર એવોર્ડ જીતવાની રેસમાં દુનિયાભરમાંથી અનેક ફિલ્મો અને અભિનેતા-અભિનેત્રીઓ સામેલ થયા હતા. યુએસ એકેડમી ઓફ મોશન પિક્ચર આર્ટસ એન્ડ સાયન્સે આ વર્ષના વિજેતાની જાહેરાત કરી છે. એકેડેમી એવોર્ડની આ ઈવેન્ટ ભારતીય સમય અનુસાર 11 માર્ચે સવારે 4:30 વાગ્યે શરૂ થઈ હતી, ત્યારબાદ એક પછી એક વિજેતાઓના નામ જાહેર કરવામાં આવ્યા હતા.
લોસ એન્જલસના ડોલ્બી થિયેટરમાં આ કાર્યક્રમનું આયોજન કરવામાં આવ્યું હતું, જ્યાં શ્રેષ્ઠ ફિલ્મ, શ્રેષ્ઠ અભિનેતા-અભિનેત્રી, શ્રેષ્ઠ સહાયક અભિનેતા-અભિનેત્રી સહિતની વિવિધ શ્રેણીઓમાં પુરસ્કારો આપવામાં આવ્યા હતા. વિવિધ કેટેગરીમાં ‘ઓપનહાઇમર’ માટે કુલ 13 નોમિનેશન હતા, જેમાંથી ક્રિસ્ટોફર નોલાન દ્વારા નિર્દેશિત ફિલ્મે 7 એવોર્ડ જીત્યા હતા.
શ્રેષ્ઠ ફિલ્મ- ઓપનહાઈમર
શ્રેષ્ઠ અભિનેતા- કિલિયન મર્ફી (ઓપનહાઈમર)
શ્રેષ્ઠ દિગ્દર્શક- ક્રિસ્ટોફર નોલાન (ઓપનહાઈમર)
શ્રેષ્ઠ સહાયક અભિનેતા- રોબર્ટ ડાઉની જુનિયર (ઓપનહાઈમર)
બેસ્ટ ફિલ્મ એડિટિંગ- જેનિફર લેમ (ઓપનહાઈમર)
શ્રેષ્ઠ સિનેમેટોગ્રાફી- ઓપનહાઈમર
શ્રેષ્ઠ મૂળ સ્કોર- ઓપનહાઈમર
શ્રેષ્ઠ સહાયક અભિનેત્રી – ડી વાઈન જોય રેન્ડોલ્ફ (ધ હોલ્ડવર્સ)
શ્રેષ્ઠ અભિનેત્રી- એમ્મા સ્ટોન (પુઅર થિંગ્સ)
બેસ્ટ ઓરિજિન સોંગ- વાટ વાજ મેડ ફોર (બાર્બી)
બેસ્ટ ઇન્ટરનેશનલ ફીચર ફિલ્મ- ધ ઝોન ઓફ ઇન્ટરેસ્ટ (યુકે ફિલ્મ)
બેસ્ટ કોસ્ચ્યુમ ડિઝાઇન – હોલી વેડિંગ્ટન (પુઅર થિંગ્સ ફિલ્મ માટે)
પ્રોડક્શન ડિઝાઇન – જેમ્સ પ્રાઇસ અને શોના હેથ (પુઅર થિંગ્સ ફિલ્મ માટે)
ઓરિજિનલ સ્ક્રીનપ્લે – જસ્ટિન ટ્રેટ અને આર્થર હરારી (ફિલ્મ એનાટોમી ઓફ અ ફોલ માટે)
શ્રેષ્ઠ વિઝ્યુઅલ ઈફેક્ટ્સ- ગોડઝિલા માઈનસ વન
ડોક્યુમેન્ટરી શોર્ટ ફિલ્મ- ધ લાસ્ટ રિપેર શોપ
બેસ્ટ ડોક્યુમેન્ટરી ફીચર ફિલ્મ- 20 ડેઝ ઇન મેરીયુપોલ
લાઇવ એક્શન શોર્ટ ફિલ્મ- ધ વંડરફુલ સ્ટોરી હેનરી સુગર
શ્રેષ્ઠ સાઉન્ડ- ધ ઝોન ઓફ ઇન્ટેરેસ્ટ
ટુ કિલ અ ટાઈગર ઓસ્કાર જીતી શક્યો નથી
ઝારખંડમાં બળાત્કાર પર આધારિત ફિલ્મ પણ ઓસ્કાર એવોર્ડ 2024ની રેસમાં નોમિનેટ થઈ હતી. નામ- ‘ટુ કીલ અ ટાઈગર’, જે બેસ્ટ ડોક્યુમેન્ટરી ફીચર ફિલ્મ કેટેગરીમાં સામેલ હતી. જોકે, આ ફિલ્મનું એકેડેમી એવોર્ડ જીતવાનું સપનું ચકનાચૂર થઈ ગયું હતું. આ એવોર્ડ ફિલ્મ ’20 ડેઝ ઇન મેરીયુપોલ’ના નામે આપવામાં આવ્યો હતો. ‘ટુ કીલ અ ટાઈગર’ ઝારખંડમાં બનેલી એક ઘટનાની કહાની પર આધારિત કેનેડિયન ફિલ્મ છે, જેનું નિર્દેશન નિશા પાહુજાએ કર્યું છે.
