નવી દિલ્હી: અભિનેત્રી કંગના રનૌત છેલ્લા કેટલાક દિવસોથી ચૂંટણી લડવાને કારણે ચર્ચામાં છે. આવી સ્થિતિમાં તાજેતરમાં જ ભાજપે અભિનેત્રી કંગના રનૌતને હિમાચલના મંડીથી ટિકિટ આપી છે. ફિલ્મોમાં પોતાના અભિનયથી લોકોના દિલ જીતનારી કંગના હવે રાજકારણમાં પોતાની ઓળખ બનાવશે.
કંગનાનું નામ તે અભિનેત્રીઓની યાદીમાં સામેલ છે, જેઓ માત્ર પોતાની એક્ટિંગ માટે જ નહીં, પરંતુ તેમની બેબાક અંદાઝના કારણે પણ ચર્ચામાં રહે છે. ચાહકોની સાથે કંગના પોતે પણ પોતાની નવી સફરની શરૂઆતને લઈને ખૂબ જ ઉત્સાહિત છે. હાલમાં જ ભાજપ તરફથી ટિકિટ મળ્યા બાદ અભિનેત્રીએ સોશિયલ મીડિયા પર એક પોસ્ટ શેર કરીને પોતાની પ્રતિક્રિયા આપી છે.
પોતાના ઈન્સ્ટા પર પોસ્ટ શેર કરતી વખતે કંગનાએ લખ્યું છે – ‘મારા પ્રિય ભારત અને ભારતીય લોકોની પોતાની પાર્ટી, ભારતીય જનતા પાર્ટી મને હંમેશા બિનશરતી સમર્થન મળ્યું છે, આજે ભાજપના રાષ્ટ્રીય નેતૃત્વએ મને મારા માટે આમંત્રણ આપ્યું છે. જન્મસ્થળ હિમાચલ પ્રદેશ મંડી (વિસ્તાર)થી તેમના લોકસભા ઉમેદવાર જાહેર કર્યા છે. હું લોકસભા ચૂંટણી લડવા અંગે હાઈકમાન્ડના નિર્ણયનું પાલન કરું છું. આ સાથે કંગનાએ ટિકિટ મળવા પર ખુશી વ્યક્ત કરી અને કહ્યું કે, ‘હું પાર્ટીમાં સત્તાવાર રીતે જોડાઈને સન્માનિત અને ઉત્સાહિત અનુભવું છું. હું એક સક્ષમ કાર્યકર અને વિશ્ર્વસનીય જાહેર સેવક બનવાની આશા રાખું છું. આભાર.’
કંગનાના વર્ક ફ્રન્ટની વાત કરીએ તો તે ટૂંક સમયમાં પીરિયડ-ડ્રામા ફિલ્મ ‘ઇમરજન્સી’માં જોવા મળશે. આ ફિલ્મમાં કંગના પૂર્વ વડા પ્રધાન સ્વર્ગસ્થ ઈન્દિરા ગાંધીનું પાત્ર ભજવતી જોવા મળશે. આ ફિલ્મ ૧૦ જૂન, ૨૦૨૪ના રોજ સિનેમાં ઘરોમાં રિલીઝ થશે. આ ફિલ્મમાં કંગનાએ અભિનય અને દિગ્દર્શન પણ કર્યું છે.
