દિલ્હી પોલીસ હેડક્વાર્ટરને ઈમેલ દ્વારા બોમ્બની ધમકી મળી છે. તપાસ બાદ પોલીસે આ ઈમેલ મોકલનારને શોધી કાઢ્યો છે. ઈમેલ એક સગીર દ્વારા મોકલવામાં આવ્યો હતો. પોલીસે આરોપીને પકડી લીધો છે.બહારી દિલ્હીના નાંગલોઈ વિસ્તારમાં બોમ્બ મૂકવામાં આવ્યો હોવાનું જાણવા મળ્યું હતું.
તપાસમાં જાણવા મળ્યું કે બાળકે મસ્તી કરવાં મેઈલ મોકલ્યો હતો. પોલીસે સગીર સામે જેજે એક્ટ હેઠળ કાર્યવાહી કરી હતી. જે બાદ કાઉન્સેલિંગ બાદ બાળકને તેના માતા-પિતાને સોંપવામાં આવ્યો હતો. આ પહેલા પણ ઈમેલ મળ્યા હતા કે દિલ્હી-એનસીઆરમાં શાળાઓ, હોસ્પિટલો, રાષ્ટ્રપતિ ભવન અને આઈજીઆઈ એરપોર્ટ સહિત અનેક સરકારી ઈમારતોમાં બોમ્બ મુકવામાં આવ્યા છે. ધમકીભર્યા મેલ મળ્યા બાદ શાળાઓ સહિત અન્ય સ્થળોએ શોધખોળ હાથ ધરવામાં આવી હતી અને કંઈ મળ્યું ન હતું.
બુધવારે સવારે રાજધાનીની 223 શાળાઓમાં બોમ્બ મુકવામાં આવ્યા હોવાના બનાવટી ઈ-મેઈલ પછી સાંજે સોશિયલ મીડિયા પર ઓડિયો અને ટેક્સ્ટ મેસેજ વાયરલ થયા હતા. રાજધાનીની ઘણી શાળાઓમાં બોમ્બ મળી આવ્યા હોવાનો દાવો કરવામાં આવ્યો હતો, પરંતુ પોલીસ જાણી જોઈને લોકોને માહિતી આપી રહી નથી. ઘણા લોકોએ પોતાના બાળકોને શાળાએ મોકલ્યા ન હતા. સાથે જ પોલીસે લોકોને અપીલ કરી છે કે તેઓ આવા મેસેજ પર વિશ્ર્વાસ ન કરે. આમાં કોઈ સત્ય નથી. તેઓએ ન તો આ સંદેશાઓ પર ધ્યાન આપવું જોઈએ અને ન તો તેને બીજા કોઈને મોકલવા જોઈએ.
