રાહુલ ગાંધી 26 જુલાઈએ યુપીના સુલતાનપુર ગયા હતા. અહીં તેઓ રસ્તામાં એક મોચીની દુકાન પર રોકાયા અને ચંપલ અને જૂતાને રિપેર કર્યા. હવે આ ચંપલની મોં માગી કિંમત મળી રહી છે. જોકે, મોચી રામચૈત તેને વેચવા તૈયાર નથી. રામચૈતે કહ્યું- ચંપલ માટે 1 લાખ રૂપિયા સુધીની ઓફર મળી છે. એક વ્યક્તિએ તો ફોન પર કહ્યું કે બેગ ભરીને પૈસા આપીશ.
અહીં રાહુલે રામચૈતને સિલાઈ મશીન ગિફ્ટ કર્યું અને તેમને ફોન પર કર્યો. પૂછ્યું- બધું બરાબર છે ને કોઇ તકલીફ તો નથી આવી રહી ને. ફોન આવ્યા બાદ રામચૈતનો આત્મવિશ્વાસ વધી ગયો છે. તેઓ કહે છે- હવે અમે રાહુલની પાર્ટીને સમર્થન કરીશું. જ્યારથી રાહુલ રામચૈતની દુકાનથી ગયા છે, ત્યારથી તેમની લાઇફ સ્ટાઇલ બદલાઈ ગઈ છે. તેમની કુરેભારના વિધાયકનગર ચાર રસ્તા પાસે નાની એવી દુકાન (ગલ્લો) છે. હવે ક્યારેક વહીવટી અધિકારી, કર્મચારીઓ તો ક્યારેક ગામના લોકો તેમને ઘેરી લે છે.
