બાંગ્લાદેશની સ્થિતિને લઈને આસામના મુખ્યમંત્રી હિમંતા બિસ્વા સરમાએ મોટું નિવેદન આપ્યું છે. હિમંતાએ દાવો કર્યો છે કે આગામી ૧૦થી ૧૫ વર્ષમાં આસામ, પશ્ચિમ બંગાળ અને ઝારખંડની સ્થિતિ પણ બાંગ્લાદેશ જેવી થઈ શકે છે. આસામમાં ૧૨ જિલ્લામાં હિંદુઓ લઘુમતી બની ગયા છે.
ફેસબુક લાઈવમાં આસામના મુખ્યમંત્રી હિમંતા બિસ્વા સરમાએ બાંગ્લાદેશની સ્થિતિ વિશે કહ્યું કે આસામ, પશ્ચિમ બંગાળ અને ઝારખંડના હિંદુ સમુદાય માટે તેમના ભવિષ્ય વિશે ચિંતિત હોવું સ્વાભાવિક છે. હું ઈચ્છું છું કે આગામી ૧૦ કે ૧૫ વર્ષમાં આવી સ્થિતિ ન બને, તેથી આજે જ આપણે આપણું કામ કરવામાં ઉત્સાહ બતાવવો જોઈએ.
સરમાએ કહ્યું કે સરહદને સુરક્ષિત રાખવાની આપણી બંધારણીય જવાબદારી છે. પરંતુ સાથે જ ધ્યાનમાં આવે છે કે બાંગ્લાદેશી લઘુમતી હિંદુઓ પર કેવી રીતે અત્યાચાર થઈ રહ્યો છે. ઇસ્કોન મંદિર અને દુર્ગા મંદિરને તોડી પાડવાનો વીડિયો સોશિયલ મીડિયા પર જોવા મળી રહ્યો છે. બાંગ્લાદેશમાં એક હિંદુને દોરડાથી બાંધીને તેની હત્યા કરીને ઝાડ પર લટકાવી દેવાનો વીડિયો પણ સોશિયલ મીડિયા પર જોવા મળ્યો હતો. બાંગ્લાદેશની ઘટના મને વારંવાર યાદ કરાવી રહી છે કે આસામના ૧૨ જિલ્લામાં હિન્દુઓ લઘુમતી બની ગયા છે.
ખાસ સમુદાયમાંથી લગભગ ૩૦ થી ૩૫%સરકારી ભરતી, હિમંતનો મોટો દાવોઃ હિમંતાએ એવું કહીને એક મોટો ખુલાસો કર્યો કે મેં એક વિશ્લેષણ કર્યું અને જોયું કે ૨૦૦૧ થી ૨૦૧૪ સુધી, આસામ પોલીસમાં લગભગ ૩૦%-૩૫% ભરતીઓ ચોક્કસ સમુદાયની હતી. આજે આસામ સરકાર પોલીસ અને વન રક્ષક દળોમાં દરેક ધર્મ, જાતિ અને સમુદાયના લોકોનો સમાવેશ કરીને ભરતી કરી રહી છે.બાંગ્લાદેશમાં રાજકીય સંકટ અંગે હિમંતા બિસ્વા સરમાએ કહ્યું, ૅબાંગ્લાદેશમાં જે ઘટના બની છે તે બે કારણોસર અમારા માટે ચિંતાનો વિષય છે. જો બાંગ્લાદેશમાં પણ આવી જ સ્થિતિ રહેશે તો લોકો ત્યાંથી વિસ્થાપિત થઈને ભારત આવશે. પરંતુ અમને ખાતરી છે કે બાંગ્લાદેશમાં જે પણ નવી સરકાર બનશે તે ચિંતાનો વિષય રહેશે.
