વિશ્વભરમાં ઇઝરાયલ પોતાની ટેક્નોલોજી માટે પ્રખ્યાત છે. પરંતુ ઇઝરાયલને હાલ ભારતની ડ્રોન ટેક્નોલોજી ગમી ગઈ છે. ત્યારે ઈઝરાયલની એક કંપની દ્વારા સુરતની એક સ્ટાર્ટઅપ કંપનીને 10 હજાર ડ્રોનનો ઓર્ડર આપ્યો છે. આ કંપનીએ 10 વર્ષ સુધી દર વર્ષે એક હજાર ડ્રોન ઈઝરાયલની કંપનીને પૂરા પાડવા પડશે. હાલમાં જ ઈઝરાયલની આ કંપનીના સભ્યો સુરત આવીને ભારતમાં તૈયાર આ ડ્રોનની ખાસિયત જોઈને ચોંકી ઉઠ્યા હતા અને તેઓએ 100, 200 નહીં પરંતુ 10 હજાર ડ્રોનનો ઓર્ડર આપ્યો છે.
ટેક્નોલોજીમાં સમગ્ર વિશ્વનું વારંવાર ધ્યાન દોરતા ઈઝરાયલની કંપનીએ સુરતની કંપનીને ઓર્ડર આપ્યો છે. જેનાથી સાબિત થાય છે કે, સુરતના યુવાનો ટેક્નોલોજીમાં અગ્રેસર થઈ રહ્યાં છે. ઈઝરાયલ તેની સુરક્ષા અને ટેક્નોલોજી માટે સમગ્ર વિશ્વમાં જાણીતું છે. પરંતુ હાલ ઇઝરાયલને સુરતમાં યુવાઓ દ્વારા અને તે પણ સ્ટાર્ટઅપ કંપની દ્વારા બનાવવામાં આવેલા ડ્રોન ખૂબ જ પસંદ આવી ગયા છે. હીરા, કાપડ અને જરીની વાત આવતી હોય છે. પરંતુ હવે ટેક્નોલોજીના ક્ષેત્રમાં પણ સુરત સફળતાની ઊંચાઈને આંબી રહ્યું છે.
હાલમાં જ સુરતની કંપરની ઈન્સાઈડ એફપીવી અને ઈઝરાયલની યુએવી ડાયનામિક્સ કંપની વચ્ચે એક એમઓયુ સાઈન થયા છે. જે મુજબ ઈઝરાયલની કંપનીએ સુરતની કંપનીને 10,000 ડ્રોનનો ઓર્ડર આપ્યો છે. એમઓયુ અનુસાર આ ઓર્ડર 5 વર્ષમાં પૂર્ણ કરવાનો છે. એટલે 10 વર્ષ સુધી આ કંપનીએ 2000-200 ડ્રોન પૂરા પાડવા પડશે.
