કોંગ્રેસ નેતાઓને અમિત શાહના વિધાનોના વીડિયો ક્લીપ હટાવવા એક્સની નોટીસ

ડો. બાબાસાહેબ આંબેડકર અંગે અમિત શાહના વિધાનોની વીડિયો ક્લીપ જબરી વાયરલ થઇ છે જેમાં તેઓ બાબાસાહેબનું નામ લેવું તે એક ફેશન બની ગઇ હોવાનું કહી રહ્યા છે. આમ કહીને તેઓએ કોંગ્રેસ પર પ્રહાર કરવાનું પસંદ કર્યું હતું. સુત્રોના જણાવ્યા મુજબ આ વાક્ય અમિત શાહ લખીને આવ્યા હોવાનો આરોપ કોંગ્રેસના પ્રવકતા કરી રહ્યા છે અને આથી અમિત શાહના સંબોધનની વીડિયો ક્લીપ જે સોશ્યલ મીડિયામાં વાયરલ થઇ છે તેમાં હવે માઇક્રો બ્લોગીંગ પ્લેટફોર્મ એક્સ ભાજપની મદદે આવ્યું છે.
આ પ્લેટફોર્મે કોંગ્રેસના નેતાઓને નોટીસ મોકલીને અમિત શાહના વિધાનોના વીડિયો ક્લીપ દૂર કરવા જણાવ્યું છે. પ્લેટફોર્મે જણાવ્યું હતું કે આ પ્રકારે વીડિયો અપલોડ કરવા એ ભારતના કાનૂનનો ભંગ છે. તેથી તેને હટાવી દેવા જોઇએ. કોંગ્રેસે આરોપ મુક્યો કે સરકારના કહેવાથી પ્લેટફોર્મ આ વિધાનોને દૂર કરી રહ્યું છે. જો કે એક્સ તરફથી આ અંગે હજુ કોઇ સત્તાવાર સ્પષ્ટતા આવી નથી.