મહારાષ્ટ્રના પુણેમાં ગુઇલિયન-બેરી સિન્ડ્રોમ (GBS) કેસોની સંખ્યામાં વધારો થયો છે. આરોગ્ય વિભાગના અધિકારીઓએ મંગળવારે જણાવ્યું હતું કે પુણે વિસ્તારમાં ગુલિયન-બેરી સિન્ડ્રોમના શંકાસ્પદ અને પુષ્ટિ થયેલા કેસોની સંખ્યા 197 પર પહોંચી ગઈ છે. આ નર્વ ડિસઓર્ડરના વધુ પાંચ દર્દીઓ મળી આવ્યા છે. આરોગ્ય વિભાગના એક અધિકારીએ જણાવ્યું કે પુણેના પાંચ દર્દીઓમાં 2 નવા કેસ અને 3 અગાઉના કેસ સામેલ છે. આ બીમારીને કારણે અત્યાર સુધીમાં કુલ સાત લોકોના મોત થયા છે.
આરોગ્ય વિભાગની અખબારી યાદીમાં જણાવાયું છે કે, 197 કેસમાંથી 172 જીબીએસ સંબંધિત કેસોની સારવાર કરવામાં આવી છે. લગભગ 40 દર્દીઓ પુણે મ્યુનિસિપલ કોર્પોરેશન વિસ્તારના છે, 92 પીએમસીમાં નવા ઉમેરાયેલા ગામોમાંથી, 29 પિંપરી ચિંચવડ સિવિલ લિમિટના, 28 પુણે ગ્રામીણ અને આઠ અન્ય જિલ્લાના છે. “104 દર્દીઓને રજા આપવામાં આવી છે, 50 ICUમાં છે અને 20 વેન્ટિલેન્ટર સપોર્ટ પર છે.”
