ઇઝરાયલનો ઈરાની પરમાણુ ઠેકાણાઓ પર ફરી હુમલો

ઇઝરાયલે સતત બીજા દિવસે ઈરાન પર હવાઈ હુમલો કર્યો. શુક્રવારે મોડી રાત્રે ઇઝરાયલી લડાકુ વિમાનોએ ફરીથી ઈરાનના પરમાણુ સ્થળોને નિશાન બનાવ્યા. ઇઝરાયલી હુમલામાં અત્યાર સુધીમાં 78 લોકો માર્યા ગયા છે અને 350થી વધુ ઘાયલ થયા છે.
જવાબમાં, ઈરાને ઇઝરાયલ તરફ 150 બેલિસ્ટિક મિસાઇલો છોડી. આમાંથી 6 મિસાઇલો રાજધાની તેલ અવીવમાં પડી, જેમાં 1 મહિલાનું મોત થયું. તે જ સમયે, 63 લોકો ઘાયલ થયા. ઈરાની મીડિયા રિપોર્ટ્સમાં એવો પણ દાવો કરવામાં આવ્યો છે કે ઇઝરાયલી સંરક્ષણ મંત્રાલયને પણ નિશાન બનાવવામાં આવ્યું હતું.
ઈરાન તરફથી હુમલાના ભયને કારણે ઇઝરાયલી પીએમ બેન્જામિન નેતન્યાહૂને સલામત સ્થળે ખસેડવામાં આવ્યા હતા. ઇઝરાયલે એક દિવસ પહેલા શુક્રવારે સવારે 5:30 વાગ્યે ઈરાની પરમાણુ અને અનેક લશ્કરી સ્થળોને નિશાન બનાવ્યા હતા. આમાં, 6 પરમાણુ વૈજ્ઞાનિકો અને 20થી વધુ લશ્કરી કમાન્ડર માર્યા ગયા હતા.