‘સેવ ડેમોક્રસી’ અને ‘સેવ માઈ વોટ’ના પ્લેકાર્ડ અને પોસ્ટર્સ સાથે INDIA બ્લોકના વિપક્ષી સાંસદોએ મુખ્ય ચૂંટણી કમિશનર જ્ઞાનેશ કુમાર વિરુદ્ધ ઉગ્ર સૂત્રોચ્ચાર કર્યા છે. કથિત મત ચોરીના મુદ્દે મુખ્ય ચૂંટણી કમિશનરના રાજીનામાની માંગણી સાથે વિપક્ષી સાંસદોએ સંસદ ભવન બહાર ભેગા થઈને રાજધાની દિલ્હી સ્થિત ચૂંટણી પંચના મુખ્યાલય ‘નિર્વાચન સદન’ તરફ કૂચ કરી હતી.
આ વિરોધ પ્રદર્શન અને માર્ચ દરમિયાન બે મહત્ત્વપૂર્ણ વિપક્ષી પક્ષો – ડીએમકે અને આમ આદમી પાર્ટી આ વિપક્ષી માર્ચથી દૂર રહ્યા હતા. મુખ્ય વિપક્ષી પક્ષ તરીકે કોંગ્રેસે આ મુદ્દાને જનતાની નજરમાં જીવંત રાખવા માટે સંસદના આગામી શિયાળુ સત્ર સુધીનો એક એક્શન પ્લાન અને રોડમેપ તૈયાર કર્યો છે
રાહુલ ગાંધી ધરણા પર બેઠા લોકસભામાં વિપક્ષના નેતા રાહુલ ગાંધી અન્ય વિપક્ષી સાંસદો સાથે ચૂંટણી પંચની ઓફિસ તરફ માર્ચ કરી રહ્યા હતા, ત્યારે પોલીસ દ્વારા તેમને આકાશવાણી ભવન પાસે રોકવામાં આવ્યા હતા. અટકાવવામાં આવતા રાહુલ ગાંધી ત્યાં જ રસ્તા પર ધરણા પર બેસી ગયા હતા.
