યમનના હૂતી બળવાખોરોએ રવિવારે રિયાધ એરપોર્ટ પર ફરી હુમલો કર્યો. તેમાં એક વ્યક્તિનું મોત થયું અને 11 લોકો ઘાયલ થયા. મૃત્યુ પામનાર વ્યક્તિ પાકિસ્તાની નાગરિક હતો. આ રીતે રિયાધ એરપોર્ટ પર છેલ્લા 5 દિવસમાં ચાર વખત હુમલો થઈ ચૂક્યો છે.
સાઉદી અરેબિયાના રિયાધ એરપોર્ટ પર શનિવારે થયેલા હૂતી બળવાખોરોના હુમલામાં ઘાયલ થયેલા એક ભારતીયનું મોત થયું છે. આ હુમલામાં 300થી વધુ લોકો ઘાયલ થયા હતા. તેમાં લગભગ 12 ભારતીયો છે. વિદેશ મંત્રી એસ. જયશંકરે ભારતીય નાગરિકના મોત પર દુઃખ વ્યક્ત કર્યું. તેમણે મૃતકના પરિવાર પ્રત્યે સંવેદના વ્યક્ત કરી. જયશંકરે કહ્યું કે ભારતીય દૂતાવાસ પરિવારને શક્ય તમામ મદદ કરશે. ભારતીય દૂતાવાસે જણાવ્યું કે તે મૃતકના પરિવારના સંપર્કમાં છે. દૂતાવાસ મૃતદેહને વહેલી તકે ભારત લાવવામાં મદદ કરશે.
