ભાજપના વરિષ્ઠ નેતા અને પૂર્વ નાયબ વડાપ્રધાન લાલકૃષ્ણ આડવાણીને છાતીમાં ઇન્ફેક્શન ની ફરિયાદ બાદ દિલ્હીની એપોલો હોસ્પિટલમાં દાખલ કરવામાં આવ્યા છે. 98 વર્ષીય આડવાણીને શુક્રવારે સાંજે લગભગ 7:30 વાગ્યે હોસ્પિટલમાં લાવવામાં આવ્યા હતા. તેમની તબિયત સ્થિર હોવાનું જણાવવામાં આવ્યું છે. પલ્મોનરી વિભાગમાં તેમની સારવાર ચાલી રહી છે. માહિતી મુજબ, છાતીમાં ઇન્ફેક્શનની ફરિયાદ પછી વરિષ્ઠ નેતા આડવાણીને હોસ્પિટલમાં દાખલ કરવામાં આવ્યા છે. હાલમાં તેમની તબિયત સ્થિર હોવાનું કહેવાય છે.
વરિષ્ઠ નેતા અડવાણીને હોસ્પિટલમાં દાખલ કરવામાં આવ્યા તેના લગભગ એક અઠવાડિયા પહેલાં, વડાપ્રધાન નરેન્દ્ર મોદીએ 7 ઑક્ટોબરે નવી દિલ્હી સ્થિત તેમના નિવાસસ્થાને મુલાકાત લીધી હતી. આ દરમિયાન મોદીએ સરકારના વડા તરીકે 25 વર્ષ પૂર્ણ થવા પર અડવાણીના આશીર્વાદ લીધા હતા.
પૂર્વ નાયબ વડાપ્રધાન લાલકૃષ્ણ અડવાણી સાથેની મુલાકાત બાદ વડાપ્રધાન મોદીએ સોશિયલ મીડિયા પ્લેટફોર્મ X પર પોસ્ટ કરી હતી. તેમણે જણાવ્યું હતું કે અડવાણીજીની અનેક દાયકાઓની જાહેર સેવા અને દેશના જીવનમાં તેમના યોગદાનની ઊંડી છાપ રહી છે. મોદીએ દેશની પ્રગતિને મજબૂત કરવામાં અડવાણીજીની મહત્વપૂર્ણ ભૂમિકાનો પણ ઉલ્લેખ કર્યો હતો.
