95મા એકેડેમી એવોર્ડ્સ (ઓસ્કાર) માટે ભારત તરફથી એન્ટ્રી લેનારી ફિલ્મ ‘છેલ્લો શો’ (ધ લાસ્ટ ફિલ્મ શો) કરતી વખતે 15 વર્ષના બાળ કલાકાર રાહુલ કોળીને ક્યાં ખબર હતી કે તેની પહેલી ફિલ્મ છેલ્લી ફિલ્મ બની જશે. વાત એમ છે કે, આ ફિલ્મમાં છ બાળ કલાકારોમાંથી એક રાહુલ કોળીનું 2 ઓક્ટોબરના રોજ લ્યુકેમિયાના કારણે નિધન થયું હતું. છેલ્લા ચાર મહિનાથી તે સારવાર હેઠળ હતો. તેના પરિવારે સોમવારે જામનગર નજીક આવેલા વતન હાપા ખાતે પ્રાર્થના સભાનું આયોજન કર્યું હતું.
દીકરા સાથેના છેલ્લા સંવાદ વિશે વાતચીત કરતાં રાહુલના પિતા રામુ કોળીએ કહ્યું હતું કે ‘તે આ ફિલ્મને લઈને ખૂબ જ ખુશ હતો અને મને કહેતા પણ હતો કે 14 ઓક્ટોબરે ફિલ્મ રિલીઝ થયા બાદ આપણું જીવન બદલાઈ જશે’. તેમણે વધુમાં ઉમેર્યું હતું કે, તેના તેરમા દિવસે છે, ગુજરાતીમાં જેને ‘તેરમું’ કહેવામાં આવે છે, ત્યારે ફિલ્મ રિલીઝ થશે, જ્યારે મૃત્યુ પછીની કેટલીક વિધિઓ કરવામાં આવે છે. ફિલ્મ ફેડરેશન ઓફ ઈન્ડિયાએ ફિલ્મની પસંદગી કરી તેને હજી 12 દિવસ જ થયા છે- આ ડિરેક્ટર પાન નલિનનો (નલિન પંડ્યા) સૌરાષ્ટ્રમાં ઉછેર અને ફિલ્મોની જાદુઈ શોધ અંગેની સેમિબાયોગ્રાફિકલ ફિલ્મ છે.
