MPના કટનીમાં પાંચ કિશોરો નદીમાં ડૂબ્યા, ત્રણના મોત

કટની જિલ્લાના એનકેજે પોલીસ સ્ટેશન વિસ્તારના દેવરા ખુર્દ ગામમાં મોડી સાંજે કટની નદીના કિનારે પિકનિક મનાવતી વખતે નદીમાં ન્હાવા પડેલા પાંચ બાળકો પાણીમાં ડૂબી ગયા હતા. નદીમાંથી ત્રણ બાળકોના મૃતદેહ મળી આવ્યા છે, અન્ય બેની શોધ ચાલી રહી છે. નદીમાં ડૂબેલા તમામ બાળકોની ઉંમર 13થી 15 વર્ષની વચ્ચે છે. કટની હોમગાર્ડ અને જબલપુર એસડીઆરએફની ટીમ હાલ વધુ બે કિશોરોને શોધી રહી છે. એનકેજે પોલીસ સ્ટેશનના ઈન્ચાર્જ સહિતના અધિકારીઓ ઘટનાસ્થળે હાજર છે.
કહેવામાં આવી રહ્યું છે કે, તમામ આયુષ વિશ્વકર્મા (15 વર્ષ)ના જન્મદિવસની ઉજવણી કરવા નદીના કિનારે ગયા હતા, આ દરમિયાન તેઓ નદીમાં ન્હાવા માટે નીચે ઉતર્યા, જ્યારે મોડે સુધી તમામ ઘરે ન પહોંચ્યા. ત્યારે પરિવારજનોએ તેમની શોધખોળ શરૂ કરી હતી.