મહુવા બેઠક પર કનુભાઈ કળસરિયા કોંગ્રેસના ઉમેદવાર જાહેર થયા છે તો તળાજા બેઠક પર કનુભાઈ બારૈયા અને ભાવનગર પશ્ચિમમાં કેકે ગોહિલ નિશ્ર્ચિત છે જો કે નામ જાહેર કરવાના બાકી છે.
ગુજરાત વિધાનસભાની ચૂંટણીની તારીખો જાહેર થઈ ગઈ છે. તારીખ 1 અને 5 ડિસેમ્બરના રોજ બે તબક્કામાં ગુજરાતની ચૂંટણી યોજાશે. વિધાનસભા ચૂંટણી જીતવા માટે રાજકીય પક્ષો જોરશોરથી પ્રચાર- પ્રસારથી લઈ તમામ તૈયારીઓ કરી રહ્યાં છે. કોંગ્રેસે ઉમેદવારો માટે સેન્સ પ્રક્રિયા પણ પૂર્ણ કરી દીધી છે. કોંગ્રેસે કેટલીક બેઠકો માટે મંથન પણ કરી લીધો છે. ગુજરાત વિધાનસભા ચૂંટણીને લઇને કોંગ્રેસે પ્રથમ યાદી કરી જાહેર કરી છે. કોંગ્રેસે પ્રથમ યાદીમાં 43 ઉમેદવારના નામ કર્યા જાહેર કર્યાં છે.
આ યાદીમાં ભાવનગર જિલ્લામાં મહુવા બેઠક પર કનુભાઈ કળસરિયાને ટીકીટ આપી છે. આ ઉપરાંત યાદીમાં જાહેર નથી કરાયુ પરંતુ તળાજા બેઠક પર ધારાસભ્ય કનુભાઈ બારૈયાને ફરી મેદાનમાં ઉતારવાના છે. આ ઉપરાંત ભાવનગર પશ્ર્ચિમમાં કે.કે. ગોહિલ – (વરતેજ) ફાઈનલ છે. આમ કોંગ્રેસ ભાવનગર જિલ્લામાં બે કનુભાઈ સહિત ત્રણ ‘ક’ને લડાવવાની છે. આ ઉપરાંત ભાવનગર પૂર્વમાં બળદેવભાઈ સોલંકી નિશ્ર્ચિત માનવામાં આવે છે અને ગારીયાધાર બેઠક પર મનુભાઈ ચાવડાને મેદાનમાં ઉતારવાની તૈયારી છે.
કઈ બેઠક પર કોણ ઉમેદવાર જાહેર
ગાંધીનગર દક્ષિણ હિમાંશુ પટેલ
ખેરાલુ મુકેશ દેસાઈ
અંજાર રમેશ ડાંગર
ગાંધીધામ ભરત સોલંકી
ડીસા સંજય રબારી
પોરબંદર અર્જૂન મોઢવાડિયા
એલિસબ્રિજ ભીખુભાઈ દવે
સયાજીગંજ અમી રાવત
કડી પ્રવિણ પરમાર
હિંમતનગર કમલેશ પટેલ
ઈડર રમાભાઈ સોલંકી
ઘાટલોડિયા અમિબેન યાજ્ઞિક
અમરાઈવાડી ધર્મેન્દ્ર પટેલ
દસક્રોઈ ઉમેદી ઝાલા
રાજકોટ દક્ષિણ બેઠક હિતેશ વોરા
રાજકોટ ગ્રામ્ય સુરેશ ભટવાર
જસદણ ભોલાભાઈ ગોહિલ
લીમખેડા રમેશભાઈ ગુંડીયા
જામનગર ઉત્તર બિપેન્દ્રસિંહ જાડેજા
કુતિયાણા નાથાભાઈ ઓડેદરા
માણાવદર અરવિંદ લાડાણી
મહુવા કનુભાઈ કલસરિયા
નડિયાદ બેઠક ધ્રુવલ પટેલ
મોરવાહડ બેઠક સ્નેહલતાબેન ખાંટ
ફતેપુરા બેઠક રઘુ મચાર
ઝાલોદ મિતેશ ગરાસીયા
સંખેડા ધીરુભાઈ ભીલ
અકોટા બેઠક ઋત્વિક જોશી
રાવપુરા સંજય પટેલ
માંજલપુર ડૉ.તસ્વિનસિંહ
ઓલપાડ દર્શન નાયક
કામરેજ નિલેશ કુંભાણી
વરાછા રોડ પ્રફુલ તોગડિયા
કતારગામ કલ્પેશ વરિયા
સુરત પશ્ચિમ સંજય પટવા
બારડોલી પન્નાબેન પટેલ
મહુવા હેમાંગીની ગરાસીયા
ડાંગ મુકેશ પટેલ
જલાલપોર રણજીત પંચાલ
ગણદેવી બેઠક શંકરભાઈ પટેલ
પારડી જયેશ્રી પટેલ
કપરાડા વસંત પટેલ
ઉમરગામ નરેશ વલ્વી
