આગામી તારીખ 1 ડિસેમ્બરના રોજ ગુજરાત વિધાનસભાની પ્રથમ તબક્કાની 89 બેઠકો માટે ચૂંટણી યોજવાની છે જેમાં ભાવનગર જિલ્લાની સાત બેઠકો માટે પણ પ્રથમ તબક્કામાં ચૂંટણી યોજાશે. વિધાનસભાની ચૂંટણીમાં કોઈપણ જાતના વિક્ષેપો ન આવે અને ચૂંટણી શાંતિપૂર્ણ માહોલમાં યોજાય તે માટે તંત્ર દ્વારા અથાક પ્રયત્નો કરવામાં આવી રહ્યા છે જિલ્લા ભરના તમામ મતદાન મથકો આસપાસ જાહેરનામા થકી વિવિધ પ્રતિબંધો લાદવામાં આવ્યા છે ઉપરાંત ચુસ્ત બંદોબસ્ત પણ ગોઠવવામાં આવ્યો છે. શહેરમાં કોઈપણ વાંધાજનક વસ્તુઓ પ્રવેશે નહીં તે માટે હાઇવે પર તંબુચોકીઓ બનાવી વાહન ચેકિંગ કરવામાં આવી રહ્યુ છે.
આ ઉપરાંત વિવિધ પોલીસ દળની કંપનીઓ પણ તૈનાત કરવામાં આવી છે જેના ભાગરૂપે આજે ભાવનગર શહેરમાં શસ્ત્રધારી પોલીસ દળની કંપનીની રૂટ માર્ચ નીકળી હતી જેણે શહેરમાં ભારે આકર્ષણ જમાવ્યુ હતું.
