મોરબી નજીકના પીપળી ગામ પાસેથી યુવાન પોતાના ઘરે જતો હતો ત્યારે તેના બાઇકને અજાણી કારમાં આવેલ ત્રણ શખસો દ્રારા ઠોકર મારી પછાડી દેવામાં આવ્યો હતો અને બાદમાં યુવાનને માર મારીને ૨૯ લાખ રૂપિયાની લુંટ ચલાવવામાં આવી છે અને તે ત્રણેય શખસો કાર લઇને નાસી ગયા હતાં જેથી તેમને ઝડપી પાડવા પોલીસે શોધખોળ હાથ ધરી છે.
મોરબી નજીક પીપળી ગામે રહેતો અને પીપળી ગામ પાસે જ આવેલી કેલી ફેક્ષન ટેકનો પ્રાઇવેટ લિમિટેડ નામના કારખાનામાં કામ કરતો કર્મચારી ચંદ્રેશ સવજીભાઇ શિરવી નામનો યુવાન સાંજે સાડા સાતેક વાગ્યાના અરસામાં કારખાને કામ પુરુ કરીને પોતાના બાઇક ઉપર રોકડા રૂપિયા ૨૯ લાખ ભરેલ થેલો લઇને ઘર તરફ જતો હતો ત્યારે અજાણી કારમાં આવેલ ૩ શખસોએ કારથી યુવાનના બાઇકને ઠોકર મારી રોડ પર પાડી દીધો હતો અને ત્યારબાદ ત્રણેય શખસોએ યુવાનને લમધારી નાખ્યો હતો અને યુવાન પાસે રહેલા ૨૯ લાખ રૂપિયા ભરેલા થેલાની લૂંટ ચલાવી હવામાં ઓગળી ગયા હતાં. જેથી આરોપીને પકડવા પોલીસે ચક્રો ગતિમાન કર્યા છે.
