હવાઇયન એરલાઇન્સની ફ્લાઇટ ‘ટર્બ્યુલન્સ’ ફસાતા 36 ઘાયલ, 11ની હાલત ગંભીર

હોનોલુલુથી હવાઈ જઈ રહેલ વિમાન પવનના તોફાન સાથે અથડાતા અકસ્માત થયો હતો જેમાં ઘણા મુસાફરો ઘાયલ થયા હતા. હોનોલુલુથી 30 મિનિટના અંતરે અચાનક તોફાન આવ્યું, ત્યારબાદ વિમાન હવામાં ધ્રૂજવા લાગ્યું અને ડામાડોળ થવા લાગ્યું. મુસાફરો પોતાના પર કાબુ રાખી શક્યા ન હતા અને કેટલાય મુસાફરો ગંભીર રીતે ઘાયલ થયા હતા. હોનોલુલુની ઇમરજન્સી રિસ્પોન્સ ટીમે જણાવ્યું કે અનેક લોકો ઘાયલ થયા છે.
મળતી માહિતી મુજબ, 11 લોકોને ગંભીર હાલતમાં હોસ્પિટલમાં દાખલ કરવામાં આવ્યા છે, જ્યારે 9 અન્ય લોકોની સારવાર પણ ચાલી રહી છે. હોનોલુલુ ઇમરજન્સી મેડિકલ સર્વિસે આ જાણકારી આપી છે. એવું કહેવામાં આવ્યું હતું કે સવારે 11 વાગ્યાની આસપાસ ફોનિક્સથી હવાઇયન એરલાઇન હતી. બાદમાં એરક્રાફ્ટ સુરક્ષિત રીતે લેન્ડ થયું હતું અને 36 લોકોને સારવાર આપવામાં આવી હતી. ઘણા લોકોને માથામાં ઈજા થઈ છે, ઘણાને પગની ઘૂંટી અને પગમાં ગંભીર ઈજા થઈ છે. હવાઇયન એરલાઇન્સે તેના નિવેદનમાં જણાવ્યું હતું કે 13 મુસાફરો અને ત્રણ ક્રૂ સભ્યોને સારવાર માટે વિસ્તારની હોસ્પિટલમાં લઈ જવામાં આવ્યા હતા. વિમાનમાં 278 મુસાફરો અને 10 ક્રૂ મેમ્બર સવાર હતા.