તળાજા તાલુકાના ભદ્રાવળ અને રોયલ ગામ વચ્ચે ઈંગ્લીશ દારૂ ભરેલી કાર ઝડપી લઈ તળાજા પોલીસે ભદ્રાવળ-૧ ગામમાં રહેતા શખ્સ વિરુદ્ધ પ્રોહીબિશનની કલમ હેઠળ ગુનો નોંધી તેને ઝડપી લેવા તજવીજ હાથ ધરી હતી.
આ અંગે પ્રાપ્ત વિગતો મુજબ તળાજા પોલીસ કાફલો ગત મોડી રાત્રીના પેટ્રોલિંગમાં હતો તે દરમિયાન રોયલથી ભદ્રાવળ તરફ જવાના રોડ ઉપર સ્વીફ્ટ કાર લઈને જઈ રહેલા શખ્સને અટકાવવાનો પ્રયાસ કરતા શખ્સે પોતાની કાર પૂરપેટ ઝડપે ચલાવી આગળ ખેતર તરફ જવાના કાચા રોડ ઉપર કાર નં.જી.જે.૦૪ સી.એ. ૨૪૦૨ મૂકી તેનો ચાલક કિરણ શાર્દુલભાઈ માયડા રહે. ભદ્રાવળ-૧ અંધારાનો લાભ લઈને ફરાર થઈ ગયો હતો.
પોલીસે કારની તલસી લેતા કામમાંથી ઇંગ્લિશ દારૂની ૭૮ બોટલો કિં. રૂ.૨૬,૮૦૦ મળી આવી હતી. તળાજા પોલીસે ઇંગ્લિશ દારૂ અને કાર મળી કુલ રૂ.૨,૨૬,૮૦૦ નો મુદ્દામાલ કબજે કરી ભદ્રાવળના ઈસમ વિરુદ્ધ પ્રોહિબિશનની કલમ હેઠળ ગુનો નોંધી તેને ઝડપી લેવા તજવીજ હાથ ધરી હતી.
