મહુવાના જનતા પ્લોટ વિસ્તારમાં રહેતી મહિલા ઉપર તેના જેઠ, જેઠાણી અને ભત્રીજાએ હુમલો કરતા મહિલાને સારવાર અર્થે હોસ્પિટલ ખસેડવામાં આવી હતી. આ બનાવ અંગે મળતી વિગતો મુજબ મહુવાના જનતા પ્લોટમાં રહેતા કંચનબેન રોહિતભાઈ પરમાર ( ઉ.વ.૩૮ ) ને તેના ભાગમાં આવેલ પ્લોટમાં તેના જેઠ જેઠાણીને રહેવા દેતા ન હોય તેની દાઝ રાખી તેના જેઠ સંજયભાઈ કાળુભાઈ પરમાર, જેઠાણી ઉષાબેન પરમાર અને તેનો ભત્રીજાે ગોપાલ પરમાર એ આવી કંચનબેનને માર મારી છરી વડે ઘસરકો કરતા કંચનબેનને સારવાર માટે હોસ્પિટલ ખસેડવામાં આવ્યા હતા. આ બનાવ અંગે કંચનબેને તેના જેઠ જેઠાણી અને ભત્રીજા વિરુદ્ધ ફરિયાદ નોંધાવતા મહુવા પોલીસે તપાસ કરી હતી.
