નેશનલ ઈન્વેસ્ટિગેશન એજન્સીને એક ઈમેલ મળ્યો છે જેમાં ધમકી આપવામાં આવી છે કે મુંબઈમાં આતંકવાદી હુમલો થવાનો છે. સૂત્રોએ મુજબ આ મેઈલ નેશનલ ઈન્વેસ્ટિગેશન એજન્સીના ઈમેલ આઈડી પર મળ્યો હતો, જેના પછી દેશના અલગ-અલગ શહેરોને એલર્ટ કરી દેવામાં આવ્યા છે. નેશનલ ઈન્વેસ્ટિગેશન એજન્સીએ મુંબઈ પોલીસને આ માહિતી આપી છે.
ઈ-મેઈલ કરનારે પોતાને તાલિબાની ગણાવ્યો છે અને દાવો કર્યો હતો કે તાલિબાન સંગઠનના મુખ્ય નેતા સિરાજુદ્દીન હક્કાનીના આદેશ પર આવું થવા જઈ રહ્યું છે. આ ઈમેલ બાદ અન્ય એજન્સીઓની સાથે મુંબઈ પોલીસ પણ તપાસમાં લાગી ગઈ છે. નેશનલ ઈન્વેસ્ટિગેશન એજન્સી દ્વારા મુંબઈ પોલીસને આપવામાં આવેલા ઈનપુટ બાદ પોલીસ પણ એલર્ટ થઈ ગઈ છે. મુંબઈ પોલીસે જાહેર સ્થળો, એરપોર્ટ, રેલ્વે સ્ટેશન સહિત અનેક સ્થળોએ તપાસ સાથે સુરક્ષા કડક કરી છે.
