ભારતીય મૂળની નિક્કી હેલી અમેરિકાના આગામી રાષ્ટ્રપતિની ચૂંટણી લડવાની કરી જાહેરાત

ભારતીય મૂળના રિપબ્લિકન નેતા નિક્કી હેલીએ યુનાઇટેડ સ્ટેટ્સમાં 2024 માં યોજાનારી રાષ્ટ્રપતિની ચૂંટણી લડવાની જાહેરાત કરી છે. હેલી દક્ષિણ કેરોલિનાના ભૂતપૂર્વ ગવર્નર અને સંયુક્ત રાષ્ટ્રમાં અમેરિકાના ભૂતપૂર્વ રાજદૂત રહી ચૂક્યા છે.
2024 ની રાષ્ટ્રપતિની ચૂંટણી લડવાની જાહેરાત કર્યા પછી, તે રિપબ્લિકન નોમિનેશન માટે ભૂતપૂર્વ રાષ્ટ્રપતિ ડોનાલ્ડ ટ્રમ્પની પ્રથમ મોટી ચેલેન્જર બની ગઈ છે. જ્યારે તેણે બે વર્ષ પહેલા કહ્યું હતું કે તે 2024માં વ્હાઇટ હાઉસ માટે તેના ભૂતપૂર્વ બોસ એટલે કે ટ્રમ્પને પડકારશે નહીં. ભારતીય મૂળની રિપબ્લિકન નેતા નિક્કી હેલી દ્વારા યુનાઇટેડ સ્ટેટ્સમાં 2024 ની રાષ્ટ્રપતિની ચૂંટણી માટે પોતાનો દાવો રજૂ કર્યા પછી, તે સ્પષ્ટ થઈ ગયું છે કે તે ભૂતપૂર્વ રાષ્ટ્રપતિ ડોનાલ્ડ ટ્રમ્પને પડકાર આપશે. તેમણે એક વીડિયો દ્વારા રાષ્ટ્રપતિની ચૂંટણી માટે પોતાનો દાવો રજૂ કર્યો હતો.
રિપબ્લિકન પાર્ટીના નેતા નિક્કી હેલીએ કહ્યું હતું કે જો બિડેન બીજી ટર્મ માટે લાયક નથી. તેમણે કહ્યું કે રિપબ્લિકનને સરકારમાં પાછા લાવવાની જરૂર છે જે નેતૃત્વ કરી શકે અને ચૂંટણી જીતી શકે. અમેરિકામાં રાષ્ટ્રપતિની ચૂંટણી 5 નવેમ્બર, 2024ના રોજ યોજાવા જઈ રહી છે. આ ઈન્ટરવ્યુમાં તેણે એમ પણ કહ્યું કે તેને લાગે છે કે તે દેશને એક નવી દિશામાં લઈ જવા માટે એક નેતા તરીકે ઉભરી શકે છે.