રાજ્યમાં ગરમીને લઇ હવામાન વિભાગે જણાવ્યું છે કે, 2 ડિગ્રી તાપમાન વધવાની સંભાવના છે. રાજ્યમાં તાપમાનનો પારો 35થી 37 ડિગ્રી પહોંચવાની શક્યતા છે.ગુજરાતમાં હજુ પણ વહેલી સવારે અને રાત્રે વાતાવરણમાં ઠંડક પ્રસરી જાય છે, પરંતુ બપોરે આકરી ગરમી પડવા લાગે છે. રાજ્યમાં આગામી સમયમાં ગરમી વધારે આકરી બનવાની સંભાવના વ્યક્ત કરાઈ રહી છે ત્યારે રાજ્યમાં ગરમીને લઈને હવામાન વિભાગે મોટી આગાહી કરી છે. હવામાન વિભાગના જણાવ્યા અનુસાર, 2 ડિગ્રી તાપમાન વધાવાની સંભાવના છે.
હવામાન વિભાગે ગરમી આકરી પડવાની આગાહી કરતા કહ્યું છે કે ઉત્તર-પશ્ચિમના પવનો ફૂંકાતા આગામી દિવસોમાં બે ડિગ્રી તાપમાનમાં વધારો થઈ શકે છે. રાજ્યમાં આગામી 48 કલાક બાદ 2થી 3 ડિગ્રી વધી જશે. રાજ્યમાં ઉત્તર પશ્ચિમના પવન ફૂંકાતા તાપમાન વધવાની આગાહી કરાઈ છે. હાલ રાજ્યના મોટાભાગના શહેરોનું લઘુતમ તાપમાન પણ 17 ડિગ્રીએ પહોચ્યું છે. હવામાન વિભાગના જણાવ્યા મુજબ, આગામી દિવસોમાં ઉતર ગુજરાતમાં તાપમાનનો પારો વધી શકે છે.
ગુજરાત, રાજસ્થાન અને મહારાષ્ટ્રના કેટલાક વિસ્તારોમાં તાપમાન અત્યારથી 35થી 39 ડિગ્રીના રેન્જમાં આવી ગયું છે. આ સાથે હવામાન વિભાગે એવી પણ ચેતવણી આપી છે કે માર્ચ સુધીમાં દેશના મોટાભાગના રાજ્યોમાં તાપમાન લગભગ 40 ડિગ્રીની આસપાસ પહોંચી જશે. ઉત્તર પ્રદેશની રાજધાની લખનઉમાં પણ આજે મહત્તમ તાપમાન 33 ડિગ્રીની આસપાસ નોંધાશે. આ વખતે માર્ચ મહિનો ગરમીમાં આકરો રહેશે.
