વડાપ્રધાન નરેન્દ્ર 9 માર્ચના રોજ નરેન્દ્ર મોદી સ્ટેડીયમમાં ભારત અને ઓસ્ટ્રેલિયા વચ્ચેની રમાઈ રહેલી મેચ જોવા માટે આવી રહ્યા છે. તેમને આ મેચ નિહાળવા માટે ઓસ્ટ્રેલિયાના પીએમને પણ આમંત્રણ આપ્યું છે. આ મેચમાં પીએમ મોદી સાથે સાથે દરેક વિધાનસભા પ્રમાણે 500 કાર્યકર્તાઓ પણ મેચ જોવા માટે આવશે.
ભારત અને ઓસ્ટ્રેલિયા વચ્ચેની અંતિમ મેચ નરેન્દ્ર મોદી સ્ટેડીયમમાં રમાવા માટે જઈ રહી છે ત્યારે આ મેચમાં ઉત્સાહ ક્રિકેટ પ્રેમીઓનો બમણો થશે કેમ કે, નરેન્દ્ર મોદી સ્ટેડીયમમાં ખુદ પીએમ મોદી પણ ઓસ્ટ્રેલિયાના પીએમ સાથે મેચ નિહાળવા માટે આવી રહ્યા છે.
બોર્ડર-ગાવસ્કર ટ્રોફી શ્રેણીની ચોથી અને અંતિમ ટેસ્ટ મેચ
વડાપ્રધાન નરેન્દ્ર મોદી પણ ભારત અને ઓસ્ટ્રેલિયા વચ્ચે અમદાવાદમાં યોજાનારી બોર્ડર-ગાવસ્કર ટ્રોફી શ્રેણીની ચોથી અને અંતિમ ટેસ્ટ મેચ જોવા સ્ટેડિયમ પહોંચશે. ઓસ્ટ્રેલિયાના પીએમ એન્થોની અલ્બેનીઝ પણ આ મેચ જોવા માટે આમંત્રણ આપવામાં આવ્યું છે. જેથી તેઓ પણ અમદાવાદના પ્રવાસે આવશે. અમદાવાદમાં ભારત અને ઓસ્ટ્રેલિયા વચ્ચે રમાનારી શ્રેણીની ચોથી અને અંતિમ ટેસ્ટ મેચ જોવા માટે પીએમ મોદી પણ સ્ટેડિયમ પહોંચશે.
બંને દેશોના વડાપ્રધાન સ્ટેડિયમમાં ખેલાડીઓને પ્રોત્સાહિત કરતા જોવા મળશે
અમદાવાદનું નરેન્દ્ર મોદી સ્ટેડિયમ વિશ્વના સૌથી મોટા ક્રિકેટ સ્ટેડિયમોમાંનું એક છે. આ સ્ટેડિયમમાં ભારત અને ઓસ્ટ્રેલિયા વચ્ચે શ્રેણીની ચોથી ટેસ્ટ મેચ 9 માર્ચથી શરૂ થશે. રસપ્રદ વાત એ છે કે, આ સ્ટેડિયમનું નામ પીએમ મોદીના નામ પરથી રાખવામાં આવ્યું હોવાથી તેઓ પ્રથમવાર ક્રિકેટ મેચ જોવા અમદાવાદ આવશે. બોર્ડર-ગાવસ્કર ટ્રોફી સિરીઝની આ છેલ્લી મેચના સાક્ષી બનવા ઓસ્ટ્રેલિયાના પીએમ એન્થોની અલ્બેનીઝ પણ ભારત આવશે. મીડીયાના અહેવાલો અનુસાર બંને દેશોના વડાપ્રધાન સ્ટેડિયમમાં ખેલાડીઓને પ્રોત્સાહિત કરતા જોવા મળશે.
