Countries Paying For Stay:
ગ્રીસ ટાપુ
એન્ટિકિથેરા એ ગ્રીક ટાપુ છે. જ્યાં માત્ર 20 લોકો જ રહે છે. સરકારે ગ્રીક રહેવાસીઓને અહીં સ્થાયી થવા આમંત્રણ આપ્યું છે. જો કે તેની સાથે તેણે અન્ય દેશોના લોકોને પણ અહીં સ્થાયી થવાની અપીલ કરી છે. આ ટાપુ પર સ્થાયી થનાર વ્યક્તિને પ્રથમ 3 વર્ષ માટે દર મહિને 45,000 રૂપિયા મળે છે. તમને તેમાં રહેવા માટે ઘર પણ મફતમાં મળે છે.
અલ્બીનેન, સ્વિટ્ઝર્લૅન્ડ
સ્વિટ્ઝર્લેન્ડના સુંદર શહેરોમાં અલ્બીનેનનું નામ સામેલ છે. લોકોને અહીં સ્થાયી થવા માટે બોલાવવામાં આવી રહ્યા છે. એટલું જ નહીં, ત્યાંની સરકાર તેમના શહેરની વસ્તી વધારવા માટે પૈસા પણ આપી રહી છે. તમને જણાવી દઈએ કે, 45 વર્ષથી ઓછી ઉંમરના લોકોને 20,000 ફ્રેંક અથવા લગભગ 20,00,000 રૂપિયા પ્રતિ પુખ્ત અને 10,000 ફ્રેંક અથવા લગભગ 8,00,000 રૂપિયા પ્રતિ બાળક આપવામાં આવશે. શરત માત્ર એટલી છે કે તમારે ત્યાં 10 વર્ષ રહેવું પડશે. આ નગરની વસ્તી 240 છે. આવી સ્થિતિમાં વસ્તી વધારવા માટે સરકારે આ નિર્ણય લીધો છે.
વર્મોન્ટ
વર્મોન્ટ એ યુનાઇટેડ સ્ટેટ્સમાં એક પર્વતીય રાજ્ય છે. રાજ્ય ચેડર ચીઝ અને પ્રખ્યાત બેન એન્ડ જેરી આઈસ્ક્રીમનું સૌથી મોટું ઉત્પાદક છે. આ રાજ્ય કુદરતી રીતે ખૂબ સુંદર છે. રાજ્યમાં માત્ર 620,000 લોકો વસે છે. અહીં રિમોટ વર્કર ગ્રાન્ટ પ્રોગ્રામના અરજદારોને બે વર્ષ માટે લગભગ રૂ. 7.4 લાખ મળે છે. મે 2018 માં, વર્મોન્ટના ગવર્નર ફિલ સ્કોટે એક બિલ પર હસ્તાક્ષર કર્યા. જેમાં એવું કહેવામાં આવ્યું હતું કે વર્મોન્ટ જઈને રાજ્યમાં કામ કરવા ઈચ્છુક લોકોને $10,000 આપવામાં આવશે.
પોન્ગા, સ્પેન
પોન્ગા એ ઉત્તરી સ્પેનના પર્વતીય પ્રદેશમાં એક નાનું ગામ છે. યુવા યુગલો અહીં સ્થાયી થાય તે માટે વિવિધ યોજનાઓ ચલાવવામાં આવી રહી છે. યુવાન યુગલોને ત્યાં જવા માટે લગભગ $3,600 અથવા લગભગ 3,00,000 રૂપિયા ચૂકવવામાં આવે છે. આ સાથે અહીં જન્મેલા દરેક બાળકને $3,600 આપવામાં આવે છે.
