ઓસ્ટ્રેલિયાની પાંચ યુનિવર્સિટીઓમાં ભારતીય વિદ્યાર્થીઓ પર લગાવ્યો પ્રતિબંધ

ઓસ્ટ્રેલિયાની ઓછામાં ઓછી પાંચ યુનિવર્સિટીઓએ કેટલાક ભારતીય રાજ્યોના વિદ્યાર્થીઓના પ્રવેશ પર પ્રતિબંધ મૂક્યો છે,કારણ કે ફેક અરજીનો પ્રમાણ ખુબ વધ્યો હોવાથી આ પગલાં લેવામાં આવ્યા છે. આ વર્ષે ઓસ્ટ્રેલિયામાં ભારતીય વિદ્યાર્થીઓની સંખ્યા વર્ષ 2019માં સૌથી વધુ 75,000નો આંકડો પાર કરી શકે છે. ધારાશાસ્ત્રીઓ અને શિક્ષણ ક્ષેત્રે ઓસ્ટ્રેલિયાની ઇમિગ્રેશન સિસ્ટમ અને દેશના આકર્ષક આંતરરાષ્ટ્રીય શિક્ષણ બજાર પર વિદ્યાર્થીઓની સંખ્યામાં વર્તમાન વધારાની સંભવિત લાંબા ગાળાની અસર અંગે ચિંતા વ્યક્ત કરી સિડની મોર્નિંગ હેરાલ્ડ અખબારે અહેવાલ આપ્યો હતો.
ગ્લોબલ એજ્યુકેશન ફર્મ નાવિટાસના જ્હોન ચ્યુએ જણાવ્યું હતું કે, “આવનારા વિદ્યાર્થીઓની સંખ્યા અપેક્ષા કરતા ઘણી વધારે છે.” તેણે કહ્યું, ‘અમને ખબર હતી કે સંખ્યામાં ઘણો વધારો થશે, પરંતુ તેની સાથે નકલી વિદ્યાર્થીઓની સંખ્યા પણ વધી છે.’ રિપોર્ટમાં કહેવામાં આવ્યું છે કે આ સ્થિતિનો સામનો કરવા માટે હવે ઘણી યુનિવર્સિટીઓ પ્રતિબંધ લગાવી રહી છે.
ધ એજ અને ધ સિડની મોર્નિંગ હેરાલ્ડ અખબારો અનુસાર, વિક્ટોરિયા યુનિવર્સિટી, એડિથ કોવાન યુનિવર્સિટી, યુનિવર્સિટી ઓફ વોલોન્ગોંગ, ટોરેન્સ યુનિવર્સિટી અને સાઉથ ક્રોસ યુનિવર્સિટીએ ભારતીય વિદ્યાર્થીઓની અરજીઓ પર પ્રતિબંધાત્મક પગલાં લીધાં છે. ફેબ્રુઆરીમાં, પર્થ સ્થિત એડિથ કોવાન યુનિવર્સિટીએ ભારતીય રાજ્યો પંજાબ અને હરિયાણાના અરજદારો પર પ્રતિબંધ મૂક્યો હતો. આ પછી, માર્ચમાં, વિક્ટોરિયા યુનિવર્સિટીએ ઉત્તર પ્રદેશ, રાજસ્થાન અને ગુજરાત સહિત આઠ ભારતીય રાજ્યોના વિદ્યાર્થીઓની અરજી પર પ્રતિબંધ લંબાવ્યો.
ઓસ્ટ્રેલિયન વડા પ્રધાન એન્થોની અલ્બેનિસે તેમની ભારત મુલાકાત દરમિયાન યુનિવર્સિટીઓ અને કોલેજો સાથે નવા કરારની જાહેરાત કર્યા પછી આ વિકાસ થયો હતો.માર્ચ 2023માં ભારતની મુલાકાતે આવેલા ઓસ્ટ્રેલિયાના વડાપ્રધાને ગુજરાતમાં કહ્યું હતું કે ભારતીય લાયકાત ધરાવતા વિદ્યાર્થીઓને ઓસ્ટ્રેલિયામાં માન્યતા આપવામાં આવશે. આ ઉપરાંત તેમણે એમ પણ કહ્યું કે ઓસ્ટ્રેલિયામાં ભણેલા ભારતીય વિદ્યાર્થીઓની ઓસ્ટ્રેલિયન ડિગ્રીને પણ ભારતમાં માન્યતા આપવામાં આવશે.