IPL 2023 ની 42મી મેચ યશસ્વી જયસ્વાલ માટે ઐતિહાસિક હતી. આઈપીએલની આ 1000મી મેચ હતી. જેમાં તેણે તોફાની સદી ફટકારી હતી. રાજસ્થાન રોયલ્સ તરફથી જયસ્વાલે 62 બોલમાં 124 રન બનાવ્યા હતા. જો કે તેમ છતાં રાજસ્થાન જીતી શક્યું ન હતું. તેને મુંબઈ ઈન્ડિયન્સે 6 વિકેટે હરાવ્યો હતો. આ મેચ બાદ જયસ્વાલને ચાર ઈનામ મળ્યા હતા. આ માટે તેને તગડી રકમ પણ મળી હતી.
જયસ્વાલને તેની ઝડપી બેટિંગ માટે ‘પ્લેયર ઓફ ધ મેચ’ જાહેર કરવામાં આવ્યો હતો. આ માટે તેને એક લાખ રૂપિયા મળ્યા. તેને ‘મોસ્ટ વેલ્યુએબલ એસેટ ઓફ ધ મેચ’ એવોર્ડ મળ્યો હતો. આ માટે 1 લાખ રૂપિયા ઈનામ તરીકે આપવામાં આવ્યા હતા. તેને ‘બિયોન્ડ ધ બાઉન્ડ્રીઝ લોન્ગેસ્ટ સિક્સ’, ‘ગેમચેન્જર ઓફ ધ મેચ’ અને ‘ઓન ધ ગો ફોર્સ’ માટે એવોર્ડ પણ મળ્યો હતો. આ રીતે તેને કુલ પાંચ ઈનામો મળ્યા. તેની કુલ ઈનામી રકમ 5 લાખ રૂપિયા છે.
રાજસ્થાન મુંબઈ સામે પ્રથમ બેટિંગ કરવા મેદાનમાં ઉતર્યું હતું. આ દરમિયાન ટીમે 212 રન બનાવ્યા હતા. યશસ્વી ટીમ માટે ઓપનિંગ કરવા આવ્યો હતો. તેણે 16 ચોગ્ગા અને 8 છગ્ગાની મદદથી 124 રન બનાવ્યા હતા. જવાબમાં મુંબઈએ 19.3 ઓવરમાં લક્ષ્યાંક હાંસલ કરી લીધો હતો. ટીમે 4 વિકેટ ગુમાવીને 214 રન બનાવ્યા હતા.
યશસ્વી જયસ્વાલનું અત્યાર સુધી IPL 2023માં સારું પ્રદર્શન રહ્યું છે. તે અત્યારે આ સીઝનમાં સૌથી વધુ રન બનાવનાર બેટ્સમેન છે. જયસ્વાલે 9 મેચમાં 428 રન બનાવ્યા છે. આ દરમિયાન તેણે એક સદી અને ત્રણ અડધી સદી ફટકારી છે. જયસ્વાલે આ સિઝનમાં 56 ફોર અને 18 સિક્સર ફટકારી છે. ફાફ ડુ પ્લેસિસ આ સિઝનમાં સૌથી વધુ રન બનાવવાના મામલે બીજા ક્રમે છે. તેણે 8 મેચમાં 422 રન બનાવ્યા છે. ડેવોન કોનવે ત્રીજા નંબરે છે. તેણે 414 રન બનાવ્યા છે.
