સિડની
પ્રધાનમંત્રી મોદીનો જલવો ઓસ્ટ્રેલિયામાં છવાઈ ગયો છે. ઓસ્ટ્રેલિયાના તમામ મીડિયા અને અખબારોની હેડલાઈનમાં મોદીને કહ્યાં છે ધ બોસ. મોદી ઈઝ ધ બોસની હેડલાઈનથી ઓસ્ટ્રેલિયાના અખબારોએ કરી મોદીના વૈશ્વિક પ્રભાવની વાત. પ્રધાનમંત્રી મોદી બે દિવસના ઓસ્ટ્રેલિયાના પ્રવાસે છે. આ દરમિયાન તેમણે ગઈકાલે ઓલિમ્પિક સ્ટેડિયમમાં ભારતીય સમુદાયને સંબોધન કર્યુ હતું… આ પહેલાં ઓસ્ટ્રેલિયાના પ્રધાનમંત્રી એન્થની અલ્બનીઝે ભારતના પ્રધાનમંત્રી નરેન્દ્ર મોદીને મોદી ઈઝ ધ બોસ તરીકે સંબોધિત કર્યા હતા.
ઓસ્ટ્રેલિયાના તમામ અખબારો મોદી ઈઝ ધ બોસની હેડલાઈન્સથી છવાઈ ગયા છે. એટલું જ નહીં ઓસ્ટ્રેલિયન ન્યૂઝ ચેનલોમાં પણ મોદીને દુનિયામાં બોસ તરીકે સંબોધિત કરવામાં આવી રહ્યાં છે.
મોદીએ સિડનીના કુડોસ બેંક એરેનામાં ભારતીય મૂળના 20,000થી વધુ લોકોને સંબોધન કર્યું હતું. આ દરમિયાન પીએમ મોદીએ કહ્યું- ભારત માટે આખું વિશ્વ એક પરિવાર છે. હું 9 વર્ષ પછી ફરી એરેનામાં આવ્યો છું. મોદીએ કહ્યું- મારા આવા ઉષ્માભર્યા સ્વાગત માટે તમારો ખૂબ ખૂબ આભાર. સાથે જ પીએમ મોદીએ કહ્યું, ભારત મધર ઓફ ડેમોક્રેસી છે. અમે રાષ્ટ્રને એક પરિવાર તરીકે જોઈએ છીએ અને વિશ્વને એક પરિવાર તરીકે જોઈએ છીએ. આ જ કારણ છે કે જ્યારે અમે જી-20ની અધ્યક્ષતાનો લોગો નક્કી કરીએ છીએ તો કહીએ છીએ કે વન અર્થ, વન ફેમિલી, વન ફ્યુચર. ભારત એવો દેશ છે, જેણે વિશ્વના 150થી વધુ દેશોને કોરોના સંકટમાં મદદ કરી છે.
