મેં તેને કાર ધીમે ચલાવવાનું જણાવ્યું, પણ તે સ્પીડ વધારતો ગયો

ઈસ્કોન ઓવરબ્રિજ પર થયેલા અકસ્માતમાં તથ્ય પટેલ કાર ચલાવતો હતો અને તેની સાથે તેના મિત્રો બેઠાં હતાં, જેમાં ત્રણ યુવતી પણ હતી. રાતે શું બન્યું અને કઈ રીતે બન્યું? એ વિશે પોલીસ તમામને પૂછપરછ કરી રહી હતી. ત્યારે એક યુવતીએ તથ્ય વિશે કહ્યું, મેં તેને કાર ધીમી ચલાવવાનું જણાવ્યું હતું, પણ તે માન્યો જ નહીં અને કારની સ્પીડ વધારતો ગયો છે.
100થી વધુ થઈ ગઈ હતી, થોડીવાર બાદ કારનો અકસ્માત થયો. અમને કશું ખબર રહી નહિ અને આસપાસ લોકો ભેગા થવા લાગ્યા હતા. ત્યાર બાદ એક વ્યક્તિ અમને ત્યાંથી લઈ ગઈ હતી.
ઇસ્કોન બ્રિજ પર થયેલા ગોઝારા અકસ્માતમાં નવ નિર્દોષ લોકોએ પોતાનો જીવ ગુમાવ્યો છે. આ સમગ્ર બનાવમાં નિર્દોષ પરિવારોની આંખોનાં આંસુ સુકાતાં નહોતાં અને આરોપી તથ્યને રિમાન્ડ પર પૂછપરછ ચાલી રહી છે. બીજી તરફ, સવારથી તથ્ય સાથે પકડાયેલાં મિત્રોની પૂછપરછ કરવામાં આવી હતી. આ પૂછપરછ દરમિયાન ટ્રાફિકના અલગ અલગ અધિકારીઓ પોતાની સ્ટાઇલમાં પૂછપરછ કરતા હતા.