રાહુલ માટે છોકરીઓની કમી નથી: બિહારના મહિલા ધારાસભ્યનું વિવાદિત વિધાન

રાહુલ ગાંધીના ચાલી રહેલા ‘ફ્લાઈંગ કિસ’ વિવાદ વચ્ચે, બિહાર કોંગ્રેસ ધારાસભ્ય નીતુ સિંહે કેન્દ્રીય મંત્રી સ્મૃતિ ઈરાનીને જવાબ આપ્યો છે, જે હવે એક નવો વિવાદ સર્જી શકે છે. ધારાસભ્ય સિંહે કહ્યું કોંગ્રેસ સાંસદ રાહુલ ગાંધી 50 વર્ષની મહિલાને ફ્લાઈંગ કિસ કેમ આપે જ્યારે તેની પાસે યુવતીઓની કોઈ કમી નથી, તેવું નીતુ એક વીડિયો મેસેજમાં પૂછતી જોવા મળી હતી, જે હવે સોશિયલ મીડિયા પર વાયરલ થયો છે.
બિહારના હિસુઆ વિધાનસભા મતવિસ્તારના કોંગ્રેસના ધારાસભ્યએ દાવો કર્યો હતો કે “ફ્લાઈંગ કિસ” વિવાદ એ રાહુલ ગાંધીની છબીને બદનામ કરવાનો ભાજપનો પ્રયાસ છે. “અમારા નેતા રાહુલ ગાંધી પાસે છોકરીઓની અછત નથી. જો તેમને ફ્લાઈંગ કિસ આપવી હોય તો તે છોકરી પણ આપે અને તે સ્મૃતિ ઈરાની જેવી 50 વર્ષની ‘બુઢ્ઢી’ (વૃદ્ધ) મહિલાને કેમ આપે. રાહુલ ગાંધી પરના આ આરોપો પાયાવિહોણા છે,” તેમ નીતુ સિંહે કહ્યું છે.
ભાજપના પ્રવક્તા ગૌરવ ભાટિયાએ ડ (અગાઉનું ટ્વિટર) પર જઈને નીતુ સિંહની નિંદા કરી અને સ્મૃતિ ઈરાની સામેની તેમની ટિપ્પણીને ‘શરમજનક’ ગણાવી છે. ભાટિયા સમર્થનમા ભાજપના પ્રવક્તા શહેઝાદ પૂનાવાલાએ કહ્યું કે કોંગ્રેસ એક ‘મહિલા વિરોધી પાર્ટી’ છે અને તે તેના નેતા રાહુલ ગાંધીના બચાવ માટે કોઈપણ હદ સુધી જઈ શકે છે.