ગુજરાતના અનેક ભાગોમાં વિદેશી દારૂના વેપલામાં સંડોવાયેલા બુટલેગર નાગદાન ગઢવીનું હાર્ટ એટેક આવતાં મોત નિપજ્યું છે. થોડા સમય પહેલાં નાગદાન ગઢવીની સ્ટેટ મોનિટરિંગ સેલ દ્વારા હરિયાણાથી ધરપકડ કરવામાં આવી હતી.
150થી વધુ આંતરરાજ્ય ગુનાઓમાં આરોપી નાગદાન ગઢવી વડોદરા જેલમાં બંધ હતો. ખેડા કોર્ટમાં મુદતથી વડોદરા પાછા ફરતી વખતે હાર્ટ એટેક આવ્યો હતો. જાપ્તા પોલીસે વડોદરાની હોસ્પિટલમાં ખસેડ્યો હતો, જ્યાં ડોક્ટરોએ તેને મૃત જાહેર કર્યો હતો. બાદમાં તેનો મૃતદેહ વડોદરા સિવિલ હોસ્પિટલ ખાતે લઇ જવાયો હતો.
નાગદાન ગઢવી વડોદરા શહેર સહિત સૌરાષ્ટ્રમાં પણ વિદેશી દારુનું નેટવર્ક હરિયાણાથી ચલાવતો હતો એમ તપાસમાં બહાર આવ્યું હતું. ત્યારે હવે તેનું મોત થતાં પોલીસ દ્વારા વધુ કાર્યવાહી હાથ ધરાઈ છે. આ પહેલાં પણ ગત નવેમ્બર મહિનામાં નાગદાનને હાર્ટ એટેક આવતાં સિવિલ હોસ્પિટલમાં સારવાર હેઠળ ખસેડાયો હતો.
