ભારતીય ક્રિકેટ ટીમ એશિયા કપ 2023માં પોતાના અભિયાનની શરૂઆત પાકિસ્તાન સામેની મેચથી કરવા જઈ રહી છે ત્યારે આજે ભારત અને પાકિસ્તાનની ટીમો સામસામે ટકરાશે. એશિયા કપ 2023 ની ત્રીજી મેચ ભારત અને પાકિસ્તાન વચ્ચે શ્રીલંકાના કેન્ડીના પલ્લેકેલે ઇન્ટરનેશનલ ક્રિકેટ સ્ટેડિયમમાં રમાશે.
આ મેચમાં તમામની નજર ભારતીય ટીમના પ્લેઈંગ ઈલેવન પર રહેશે જેની કેપ્ટન્સી રોહિત શર્મા કરશે. આજે એવા કેટલાક ખેલાડીઓ કે જેમણે ક્યારેય આંતરરાષ્ટ્રીય ક્રિકેટમાં પાકિસ્તાનનો સામનો કર્યો નથી, તેઓને ભારતની પ્લેઈંગ ઈલેવનમાં તક મળી શકે છે. પરંતુ હવામાનની અપડેટ સતત ચાહકોની ચિંતા વધારી રહી છે. ભારત-પાકિસ્તાન મેચમાં વરસાદને કારણે વિક્ષેપ પડવાની સંભાવના છે.
પાકિસ્તાન સામે રમાનારી મેચમાં ભારતના ટોપ ઓર્ડરમાં મોટો ફેરફાર થઈ શકે છે. કેએલ રાહુલની ગેરહાજરીમાં વિકેટકીપર બેટ્સમેન ઈશાનનું રમવું લગભગ નિશ્ચિત છે. આવી સ્થિતિમાં ઈશાન કિશન કેપ્ટન રોહિત શર્મા સાથે ઓપનિંગ કરતા જોવા મળી શકે છે અને શુભમન ગિલ વિરાટ કોહલીની જગ્યાએ નંબર પર આવી શકે છે. શુભમન ગિલ અને ઈશાન કિશન આંતરરાષ્ટ્રીય ક્રિકેટમાં પહેલીવાર પાકિસ્તાન સામે મેદાનમાં ઉતરી શકે છે.
