અમદાવાદમાં ઈન્કમટેક્સના ઘણા લાંબા સમય પછી દરોડા પડ્યા છે. શહેરના જાણિતા બિલ્ડર સ્વાતિ બિલ્ડકોન પર દરોડાની કાર્યવાહી કરવામાં આવી છે. સાથે સાથે સ્વાતિ ગ્રુપ સાથે કનેક્શન ધરાવનાર જાણિતા કેમિકલ ગ્રુપ પર પણ ITના દરોડા પડ્યા છે. સ્વાતિ ગ્રુપના અશોક અગ્રવાલ, સાકેત અગ્રવાલ સહિતના ભાગીદારોને ત્યાં તપાસની કાર્યવાહી કરવામાં આવી છે.
ઉલ્લેખનીય છે કે અમદાવાદ શહેરના આંબલી રોડ પર આવેલી સ્વાતિ ગ્રુપની મુખ્ય ઓફિસ સહિત 35થી 40 સ્થળો પર મોટા પાયે દરોડા પાડવામાં આવ્યા છે. તો આ સ્પેશ્યલ ઓપરેશનમાં અમદાવાદ, વડોદરા અને 100થી વધુ અધિકારીઓ ચુસ્ત બંદોબસ્ત સાથે જોડાયા છે.
