વિદેશ મંત્રી ડૉ.એસ. જયશંકર નવ દિવસના યુએસ પ્રવાસ પર છે. તેઓ 26 સપ્ટેમ્બર સુધી ન્યૂયોર્કમાં રહેશે. આ દરમિયાન તેઓ સંયુક્ત રાષ્ટ્ર મહાસભા (UNGA)ના 78મા સત્રમાં ભારતીય પ્રતિનિધિમંડળનું નેતૃત્વ કરશે.તેઓ ગ્લોબલ સાઉથ માટે ભારતના સમર્થનનો પુનરોચ્ચાર કરતા ‘ઇન્ડિયા-યુએન ફોર ગ્લોબલ સાઉથઃ ડિલિવરીંગ ફોર ડેવલપમેન્ટ’નું આયોજન કરશે.
વિદેશ મંત્રાલયના જણાવ્યા અનુસાર, વિદેશ મંત્રી આ મુલાકાત દરમિયાન વિવિધ બહુપક્ષીય અને દ્વિપક્ષીય બેઠકોમાં પણ ભાગ લેશે. વિદેશ મંત્રી યુએન મહાસચિવ એન્ટોનિયો ગુટેરેસ અને યુએન જનરલ એસેમ્બલીના 78મા સત્રના પ્રમુખ ડેનિસ ફ્રાન્સિસ સાથે પણ મુલાકાત કરશે.
વિદેશ મંત્રી 26 સપ્ટેમ્બરે 78મી સંયુક્ત રાષ્ટ્ર મહાસભાના ઉચ્ચ સ્તરીય સત્રને સંબોધિત કરશે. UNGA) સત્ર પછી, વિદેશ મંત્રી યુએસ વાટાઘાટોકારો સાથે દ્વિપક્ષીય બેઠકો માટે 27 થી 30 સપ્ટેમ્બર સુધી વોશિંગ્ટન ડીસીની મુલાકાત લેશે
આ દરમિયાન વિદેશ મંત્રી ડૉ. એસ. જયશંકર તેમના અમેરિકન સમકક્ષ એન્ટોની બ્લિંકન, યુએસ વહીવટીતંત્રના વરિષ્ઠ સભ્યો, અમેરિકન બિઝનેસ લીડર્સ અને થિંક ટેન્ક સાથે ચર્ચા કરશે. ડૉ. જયશંકર આર્ટ ઑફ લિવિંગ દ્વારા આયોજિત ચોથા વર્લ્ડ કલ્ચર ફેસ્ટિવલને પણ સંબોધિત કરશે.
