ઈઝરાયેલ પરના હુમલા બાદ એક તરફ હમાસ ત્રાસવાદી સંગઠન સામે આકરી કાર્યવાહીનો પ્રારંભ થયો છે અને અમેરિકા પણ આ કટ્ટરવાદી આતંકી સંગઠનને ‘ખત્મ’ કરવા તૈયાર છે તે સમયે જ ઈઝરાયેલના રાષ્ટ્રપતિ ઈસાક હર્ષોગ એ હમાસને અલ-કાયદા મટીરીયલ દર્શાવતા કહ્યું કે તેઓને કેમીકલ શસ્ત્રો પણ કઈ રીતે ઉપયોગ કરવો તેની તાલીમ આપવામાં આવી છે.
તેઓએ કહ્યું કે ઈઝરાયેલ-હમાસ વચ્ચેનો જંગ પશ્ચીમી એશિયાના દેશોથી આગળ વધીને પશ્ચીમ સુધી પણ પહોંચી શકે છે અને ત્યાં અમેરિકા-ઈઝરાયેલના હીતો પર હુમલાઓ થઈ શકે છે. અલ-કાયદા અને ઈસ્લામીક સ્ટેટ એ તેના આતંકીઓ ઈઝરાયેલ અમેરિકા અને યહુદી સ્થળોને ટાર્ગેટ બનાવવા કહ્યું છે. હાલમાં જ અલકાયદાએ ઈઝરાયેલમાં ઘુસણખોરી અને અંદર જઈને હુમલા કરવા બદલ હમાસ સંગઠનને અભિનંદન પણ આપ્યા હતા.
સોમાલીયાએ અલ-કાયદાના મજબૂત સાથીદાર અલ-શબાબ એ એક નિવેદન બહાર પાડીને જાહેર કર્યુ છે કે વેસ્ટ એશિયાની લડાઈ ફકત પેલેસ્ટાઈન માટેની જ લડાઈ નથી પણ આ સમગ્ર મુસ્લીમ ઉમાહુનું યુદ્ધ છે. આ નિવેદનમાં દુનિયાભરના મુસ્લીમોને એક થવા તથા તેઓ યહુદીઓ તથા તેના સાથીઓ સામે મુજાહીદીનોને મદદ કરવા જે કંઈ થઈ શકે તે કરવા માટે અપીલ કરી હતી. આ ઉપરાંત ભારત ઉપખંડ-યમાન અને સીરીયા સ્થિત અલ-કાયદા સંગઠનોએ પણ આ અપીલને ટેકો આપ્યો હતો. અમેરિકા સ્થિત વેબસાઈટ ધ લોંગ વોર જર્નલ એ દાવો કર્યો કે પશ્ચીમ અને ઉતર આફ્રિકાના અલ-કાઈદા સમર્થીત સંગઠનોએ પણ ખ્યાલને અભિનંદન આપ્યા હતા. ઈઝરાયેલના રાષ્ટ્રપતિએ સ્કાય ન્યુઝ સાથેની એક મુલાકાતમાં તપાસ અંગેના કેટલાક દસ્તાવેજો પણ રજૂ કર્યા હતા. તેઓને કયાં કઈ રીતે ઓપરેટ કરવું તે સૂચના મળી રહી છે. તેમનો ઈશારો ઈરાન ભણી હતો અને કહ્યું હતું કે તમો બિન વ્યાવસાયિક કેમીકલ અને સાયનાડનો ઉપયોગ જાણે છે.
